صبا

تنويعات على لحن الملل

2009-01-02T05:18:00.000-08:00

رأ سى

رأسى مقاهى أفكار الناس ومقاعد اوجاعهم

سيزيف

كم مرة تبحث فيها عن بدايات جديدة وشمس ، كم مرة تقول سأكون أنا والبدايات لا تعرفك ولا حتى لأحلامك ملامح مميزة

أنت سيزيف الحارة والشارع والبستان

متفائل (بس بالعامية)ا

تعرف انك متفائل اوى وكمان سريع الفرح بتدور على الحب فى سلام الايد وتدور على البراءة فى بصة بنت بتشاور لتاكسى او بتبص على الفتارين ، بتدور على دفا البيوت وعشرتها فى شخللة المفاتيح على السلم وهى راجعة من الشغل العصرية وكمان سبتنى وجريت على الاقصى تدن أول ما فتحوا الحدود .

رجوع

2008-10-03T11:21:00.000-07:00

السطور دى بكتبها وأنا أسمع سى دى بعنوان وميض لكاميليا جبرانز

وبرغم ان السي دى جميل جدا الا أنه لا يخلوا من الغربة

الغربة :يمكن هى السبب الأساسى فى بعدى عن التدوين الفترة اللى فاتت,كانت الأحداث سريعة جدا وكثيرة جدا لدرجة أنى مكنتش لاحق أكتب أى تعليق عنها بداية من المحلة الكبرى لغاية الدويقة ,سلسلة من الأحداث اللى لو عكست فهتعكس كل الأحباط والظلم أللى بيتعرض ليه الشعب المصرى من زمان .

وعلى سبيل المثال تخيل يا أخى ان اللى حصل فى الدويقة ده حصل قبل ذلك عام 1993 ولم يتحرك ساكن للحكومة وقتها ..

الكلام شكله قديم ومعاد بس مفيش فى أيدى حاجة تانية غير كده.

تخيا حكومتنا مش قادره تحافظ على المبانى الأثرية اللى فى بلدنا راح المهندس خانة وراح جزء من مبنى المسرح القومى للدرجة دى الاهمال والا مبالاه وصلت بينا للدرجة دى

المشكلة فى الحكاية دى أنه بيعيد لتانى وثالث مرة اللى حصل منذ بضعة سنين فى قصر ثقافة بنى سويف .

الأرواح رخصت وكيلو العدس ب 15 جنية

خلينى أحكيلك عن الفترة اللى فاتت عملت فيها أيه :

حفلة الساقية اللى كانت فى شهر يونيو فى قاعة الكلمة والحمد لله حضرها عدد لا بأس به من الناس وعلى غرار نجاحها عملت لقاء فى برنامج على الهوا الذى يقدمه جمال عنايد على قناة الصفوة لمدة ساعة وكان معايا فى اللقاء ده الصحفى كمال عرفه وهو صحفى فى جريدة الدستور والكرامة

حفلة الساقية أغسطس اللى فات كانت فى قاعة النهر وصاحبنى فيها عمرو حمدى كان بيلعب رق وبصراحة عمل شغل جامد فيها

وبعدين عملت ثلاثة حفلات فى رمضان فى ليالى المحروسة التى تقام فى رمضان من كل عام وآخر الحفلات كانت فى آخر يوم أحد فى رمضان وكانت فى مكتبة البلد

ملحوظة : لو عايز تشوف أجزاء من الحفلات دى أدخل على youtube.com وأعمل سيرش بالعربى على هيثم محفوظ

2008-06-16T12:42:00.000-07:00

مستنيكم يوم الثلاثاء 24 يونيو 2008 فى قاعة الكلمة بساقية عبدالمنعم الصاوى الساعة 8.30 مساء فى حفل أغنيات مصرية بمصاحبة العود ،الأغنيات دى كلها من الحانى وأشعار أصحابى

الشاعر / على عبدالعزيز

الشاعر / محمود عبدالابسط

الشاعر / أمجد القهوجى وغيرهم

مستنيكم

2008-05-14T11:12:00.000-07:00

تجربة أعتز بها

كنت إتكلمت قبل كده فى بوستات فاتت عن مودى راب

محمد أسامه مغنى راب من المنصورة إتعرفت بيه من حوالى 3 سنين كان هو بيعمل أغانى عرض مسرحى تبع كلية الاداب جامعة المنصورة ، وانا كنت بعمل الموسيقى التصويريه ، وبصراحه أول ماسمعت شغله ماصدقتش إن اللى عامل الاغانى دى مش دارس للموسيقى وان جودة الصوت والتسجيل معمولين فى بيت

مودى بينزل كل سنة ألبوم غتائى ...وهو مش ألبوم بمعناه التجارى .دى مجرد مجموعة أغانى بينزلها مع بعض دفعة واحدة وبيختار اسم أحد الاغانى كإسم لمجموعة الاغانى دى ، وبالفوتوشوب بيعمل بوستر

إشتركت مع مودى فى ألبومه الاخير( ألف وش ) اللى نزله من كام يوم والمشاركة دى اتبروزت فى أغنية ساب الجنينه وكتب كلماتها محمود عبد الباسط

وبالأداء الصوتى فى أعنية ألف وش

وهاسيب 3 لينكات لـ 3 أغانى من الالبوم ده وعشان تسمعوا اكتر ادخلوا على مدونته

modyrap.ektob.com

http://zebox.com/cgi-bin/artists/dl.cgi?modyrap12_-_Alf_Wesh.m3u+qp+m1
http://zebox.com/cgi-bin/artists/dl.cgi?modyrap12_-_Shd_el_7zam.m3u+qp+m1
http://zebox.com/cgi-bin/artists/dl.cgi?modyrap11_-_Wra_ElGodran.m3u+qp+m1

عايز رأيكم بامانه فى التجربه دى

قبل ما تعتزل بقه

2008-01-16T14:03:00.000-08:00

اخر فضيحة للحسناء هيفاء وهبي هو حصولها على مبلغ 750 ألف دولار ،إضافة إلى نسبة من مبيعات هذا المنتج الكحولي الجديد والذي يحمل اسمها كماركة جديدة للمشروبات الروحية من إنتاج فرنسي .وعلى إعتبار أن هيفاء نجمة جميلة ومشهورة على مستوى الوطن العربي فقد إختارها الفرنسيون كي يحمل إنتاجهم الجديد إسمها ويتم ترويجه وسيصبح هذا المشروب الروحي بعد فترة وجيزة من أكثر المشروبات الروحية شهرة ،على غرار شهرة مشروب الجن ويكر والريد ليبل والبلاك هورس ليصبح اسم هيفاء بعد فترة من أشهر ماركات الخمور ...

2007-12-27T14:03:00.000-08:00

من جوه

اصرية زرع ريحان وكمان نعناع وشوية ياسمين على سور البلكونة

الحنين له ريحه

فوسط البيت طرابيزه عليها فنجان قهوة فاضى اللا من التنوة

مصحف مفتوح على سورة يوسف وشوية جرايد قديمة

الحنين له ريحه

وفى اخر اوضه فى البيت سرير شكله حزاينى بيبص لنفسه فى مراية التسريحه ويغنى ويقول..

دوبى يا حتة سكر تايهة

دوبى يا حصوة ملح فى عينى

خلينى ادمع

بيدمع..ويدور وسط دموعه على اصدق حتة فى قلبه..ميلاقيهاش..يدور..ميلاقيهاش

وفجأهتلمع قدام عنيه حتة السكر..يرميها على الارض علشان هتنبت

بس اتلم عليها النمل..والخبر زاع بين نمل الشارع واتلم على النمل.....النمل

2007-12-07T09:05:00.000-08:00

من حفلة وجيه عزيز الاخيرة

كان لى الحظ انى احضر حفلة وجيه عزيز التى اقيمت فى ساقية الصاوى يوم 28/11/2007 بمناسبة صدور البوم ناقص حته وصاحبه على البيانو الموزع هشام نزيه

هشام نزيه/وؤلف وموزع موسيقى قام بوضع الموسيقى التصويرية لافلام مثل تيتو/السلم والثعبان/هيستريا/سهر الليالى/حرب اطاليا وغيرهااا.....

بالعامية

ياريت بقى تاخدوا بالكم من مصاحبة البيانو لاغنية قوا معايا ودى زى ما احنا عارفين غناها احمد زكى فى نهاية فيلم هيستريا

المهم ان البانو اضاف رؤيا وبعد للحن مهمين جدا

وهنشوف اغنية قول معايا كلمات على سلامة اللى غناها وجيه فى البوم زعلان شوية ودى كانت لوحده على العود.

قبل ما اختم كلامى انا معرفش الشاعر اللى كتب اغنية ان مقدرتش ياريت اللى يعرف يبقى يقولى

دا لنك قول معايا http://www.youtube.com/watch?v=30VmqtWrEhA

ودا لنك اغنية ان مقدرتش http://www.youtube.com/watch?v=rMJY6FHKqb4

2007-10-28T14:51:00.000-07:00

متنفس رمضانى

منذ فترة طويلة وتعتبر مسلسلات رمضان المتنفس الوحيد لكل ملحن او كاتب اغنية متبنى لوجهة نظر محترمة او يريد توصيل رسالة للمتلقى.

فكما نعلم طب.

واعتقد ايضا ان مسلسلات رمضان متنفس حتى لمؤلفى الدراما المتميزين.

يعة الأليات التى تحدد عمل الملحنين وكتاب الاغانى فى سوق الالبوماتفى تقديرى انه بدا الاهتمام بمسلسلات رمضان والانتباه الى ما تتيحه من براح لتميز فى انصاف الثمانينات وهنا اتحدث عن الموسيقى فى المسلسلات.

حيث كان عمار الشريعى غزير الانتاج وفى رايى انه هو والشاعر سيد حجاب اصحاب النهضة الحقيقية فى اغنيات المسلسلات...حيث برع الشريعى جدا فى التعبير الدرامى الموسيقى وكيفية تطويع الات جرى عليها طور النسيان فى السبعينات مثل العود حيث فتح عمار سككا جديده جدا فى التعبير على الة العود.

بالطبع كلنا نتذكر القبلة الشهيرة التى كان يلعبها العود فى مسلسل رافت الهجان

وكان ايضا من الملحنين الذين ظهرا فى هذه الفترة عمر خيرت ‘ ميشيل المصرى" الذى لا يعرف ميشيل المصرى

ملحن ومؤلف موسيقى مسلسل ليالى الحلمية وهانى مهنى برغم انه من جيل اقدم منهم الا انه قد تميز فى مسلسلات الثمانينات.هو

ياسر عبد الرحمن

بداية ياسر ياسر عبد الرحمن سنة1989 بمسلسل الوسية واعتقد ان ياسر عبد الرحمن فى السنوات الاخيرة استطاع تفيير الذائقة عند كثير من الناس .

كما استطاع النهوض بالمستوى الفنى لموسيقى المسلسلات فى رمضان بعد ان هبطت كثيرا حتى مع جود عمار الشر يعى واعتقد ان السبب فى هذا سطوة عمار الشريعى على اغلب المسلسلات فى السنوات الاخيرة فاغلق باب التنافس وحزفت فكرة تغيير الدم فمن الغريب طبعا ان نجد اكثر من ثلاث مسلسلات فى عام واحد فجاء ياسر عبد الرحمن كسر حدة هذا الموقف وظهر هذا بوضوح فى العام الذى عرض فيه مسلسل حياة الجوهرى.

فدخل ياسر مجال مسلسلات رمضان اكثر واكثر وتوالت الاعمال مثل الضوء الشارد والفرار من الحب والرجل الاخر وفارس بلا جواد وبالطبع الليل واخرة .

من وجهة نظرى سر تميز ياسر عبد الرحمن ..... قدرته على تركيب جملة عميقه جدا وبسيطة جدا وبروزها بالتوزيع الموسيقى الذى وبجداره يقوم باخضاع الجملة الموسيقية لاشكال متنوعة وهذا ما استطاع ياسر نقلة من التاليف الموسيقى الى التاليف الاوركسترالى.

بمعنى ان التوزيع الموسيقى جزا من التاليف الموسيقى ليس مجرد اطار .

محمود طلعت

كانت بدايتة مع مسلسل الوتد ثم وجع البعاد والعصيان.

لكن اول تميز حقيقى له مع مسلسل امام الدعاه......محمود طلعت صاحب جملة سهلة سريعة الحفظ جميعنا يتذكر (السكة دى مليانة مليون فخ) تتر النهاية لمسلسل عباس الابيض فى اليوم الاسود مسلسل رمضان قبل الماضى

محمود طلعت اول من غير فى شكل تتر المسلسل من سهولة الجملة الموسيقية نقلاته المقامية بسيطة جدا بالاضافة الى شكل التوزيع الذى يضع الجملة الموسيقية فى اطار جذاب جدا فهو اول من غير الخامات المستخدمة فى التوزيع واعنى استخدام اصوات حديثة للالات الموسيقية والارتام.

ياريت نفتكر مسلسل يتربى فى عزو عندما تقرا هذا الكلام.

فى هذا العام لاحظنا دخول ملحنين لاول مرة فى مسلسلات رمضان بمنتهى الصراحة لم اكن اعلم ان محمد رحيم لديه كل هذا التميز الذى ظهر منه فى مسلسل قضية راى عام.

.على فكرة المسلسل ده كانت اغانيه فيها كلام حلو قوى

ويسير بحالنا الزمن

بدل اغتصاب البدن

بقى اغتصاب الوطن

من الخونة الفاسدين

.......................................

ده كلام مدحت العدل

.........................................

على فكرة فى حاجات جديدة موجودة فى الاستوديو

www.studiosaba.blogspot.com

2007-09-22T14:18:00.000-07:00

تعديل بسيط على الدعوة

المكان:فى حديقة الفسطاط بالملك الصالح خلف الازهر مش فى حديقة السيدة زينب.

يعنى تركب مترو الانفاق وتنزل محطة الملك الصالح وتركب سرفيس لحديقة الفسطاط .

وبرده الدعوة عامة يعنى مفيش تذاكر ونفس المواعيد .

كل سنة وانتم طيبين

2007-09-19T16:15:00.000-07:00

المرة دى انا لوحدى

ادعوكم يوم 11و19و20 رمضان لحضور الامسيات الغنائية الشعرية بواحة الشعراء بحديقة السيدة زينت وهذا فى اطار احتفالات ليالى المحروسة والتى تقيمها وزارة الثقافة فى رمضان من كل غام

والدعوة عامة يعنى ادخل الحديقة على طول واسال على واحة الشعراء

وكل عام وانتم بخير

2007-09-13T14:39:00.000-07:00

زحمت كل سنة وانتم طيبين

احتفل فى هذه الايام بينى وبين نفسى وتحتفل روحى مع ارواحكم بمرور عام على دخولى عالم التدوين وقد سبقنى صديقى الشاعر محمد ابو الفتوح الى فكرة التدوين وهو يعتبر من اهم المحفزين لى على التدوين والغريب انه ترك التدوين وانا اللى كملت .

كان المحرك الاساسى لى فى ممارسة التدوين امرين /

الاول:انشاء علاقات قوية مع افراد على اقل تقدير ذوعقلية مختلفة فى بعض الامور عن العامة.

الثانى:وسيلة للانتشار

حينما اتحدث عن الانتشار يجب ان اذكر ان ما حققتة فى العام الماضى كان يمكن ان احققة فى ثلاثة او اربع اعوام ومن اهم ما حققتة تاسيس فرقة صبا .

وكان هذا الانتشار بفضل تلك العلاقات التى كانت تحتوى على جانب كبير من الاحترام والطيبة وفى هذا السياق يجب ان اتذكر

ساسو صاحبة مدونة ابتسم الربيع قادم

ادم المصرى فى عمق الحياة

على الالفى تفاصيل

احمد الشربينى هيستيريا

واخرين،،،،،،،،،،،

وتوطدت بعض هذه العلاقلت بعد حفلات ليلى المحروسة فى رمضان الماضى

كل اللى اقدر اقوله انا فرحان بيكم حدا وكل سنة وانا وانتم طيبين

"رمضان جانا"

عاد رمضان بما فيه من طيبة ينثرها كالعبير فى هواء ايامه وما يحويه من مشاهد متناقضة كثيرة تظهر ما فينا من تناقضات قوية

عاد رمضان بحلقات المسحراتى فى الاذاعة ،،كلمة كل سنة وانت طيب اللى بتتحدف من بقده لبق ده،، براميل الطرشى،،زحمة المرور وضيق خلق السواقين فى نهار رمضان،، احتفالية صلاة التراويح.

الغريب ان رمضان فى مصر ملئ بعادات اكثر من عبادات فتكثر العزائم وولائم الطعام برغم شكاوى الناس من ازدياد الاسعار فدائما ما تسمع مع كل بداية رمضان

السكر بقى بكذا والقمر الدين غلى وبقى بكذا والتمر بقى بكذا

والجميل فى هذا العام ان رمضان جانا مع الدراسة يعنى كل شئ الدوبل

ياااااا خبر

حتى الكلام عن شهر العبادات فى مصر مليان بمظاهر الشقى والغلب.

على العموم كل سنة وانا وانتم طيبين

على شمال السماء

2007-08-08T15:02:00.000-07:00

كنا من المحظوظين انا والشاعر على عبد العزيز لاننا عشنا اللحظات القليلة قبل وقوع اول حادث فى مترو الانفاق بعد يومين من انتهاء مدة الادارة الفرنسية .

ومش عرف اوصفلكم الموقف ازاى .. المترو كانه كان ماشى بالزق. شوية يمشى بسرعة جدا وفجاة

يقفش فى وسط ماهو ماشى وبعدين السرعة تفضل تقل تقل لغاية مايقف خالص.

وسبحان الله كان المترو كان فاهم مايحلالوش الوقوف اللا بين المحطات واحنا طبعا تحت الارض..المهم مرة فى الثانية ولاقيت على بيقولة تعالى يا هيثم ناخها من قاصرها ونطلع فوق زى بقيت الناس احسن.

وفعلا طلعنا وخدنا ميكروباص للتحرير نقطة انطلاقنا المعتاده. بس واحنا فى الطريق وبعد محطتين مترو تقريبا لقينا جماهير غفيرة من الناس طالعين وعرفنا ان المترو وقف تماما بين محتطين وتم استدعاء زى متقولوا كده فرقة انقاذ عشان تطلع الناس من المترو بمنتهى الحذر لان بين المحطات لو حد سند على الجدار اللى جنب المترو هيتكهرب.

وقرانا ثانى يوم فى الجرائد انه ثمت حالة اختناق اثناء عملية الانقاذ.

كانت هذه الحكاية منذ عامين تقريبا ومن يومها الى الان نسمع كل فترة عن مشاكل وحوادث تتعلق بالمترو والمشاكل تختلف من تاخر مواعيد الرحلات الى الاعطال الكثيرة وكملت بالحادث الذى وقع امس الثلاثاء الموافق 7/8/2007

بان احد عربيات المترو بخط شبرا الخيمة قد خرجت عن القضبان

واضح كانت بتدور على الحرية هيا كمان !!

الى هذه الدرجة وصلنا الى اننا لا نسطيع ان ندير شيئا اوهل الا دارة عندنا هى التحقيق والتدقيق فى الظروف التى لو حدثت تجب دفع غرامة فورية مثل ما حدث معى مرتين داخل انفاق المترو مرة مع الشاعر محمد ابو الفتوح ومرة مع الشاعر والمدون ادم المصرى.

الى اى مدى وصلت حالة الاهمال والامبالاة والتى نجحت فى افساد مشروع من اهم المشاريع التى اقيمت فى مصر والذى سهل الكثير ووفر الكثير من الوقت.

تعرفوا ان مترو الانفاق ده متوسط ركابة فى اليوم 7مليون نسمة يعنى قد عدد سكان ليبيا .

على العموم حسبى الله ونعم الوكيل .

على فكرة فى 4 اغانى من حفلتنا اللى كانت فى ساقية عبد المنعم الصاوى فى شهر 6 اللى فات على موقع www.youtube.com واعملوا search على صبا

الاربع اغانى هما

رمى السلام كلمات محمد ابو الفتوح

حلم الناس كلمات امجد القهوجى

لازم اعيش كلمات محمد ابو الفتوح

شط بحور كلمات بهاء جاهين

وشارك فى الغناء على الالفى. وهو على فكرة صاحب مدونة تفاصيل

والالحان هيثم محفوظ.. العبد لله

والتوزيع الموسيقى لخالد يوسف وباقى اعضاء الفرقة

عايز رايكم وتعليقاتكم

اه.. قبل منسى

www.studiosaba.blogspot.com

ودى المدونة الثانية وهى كلها مزيكا وقريب خالص هحط فيها حاجات جديدة

أدينا بندردش

2007-07-08T10:35:00.000-07:00

كلما حاولت النظر إلى المشهد اللبنانى و أحاول إيجاد بعض التأويلات و التخمينات لبعض تصريحات بعض المسؤلين اللبنانيين الذين هم بالطبع يعبرون عن تيارات و انقسامات كثيره داخل المجتمع اللبنانى و خصوصا فى تلك الظروف التى تعيشها لبنان من إشتباكات دائره بين فتح الإسلام و الجيش اللبنانى و وجود بعض التواترات داخل الحكومه اللبنانيه و اتهام المارونيين للحكومه بمحاولة أسلمت لبنان أشعر بالخوف و عدم الفهم

فإلى أى مدى أصبحت الحكومات فاقده للأهليه و للروئيه السياسيه و الإجتماعيه للمستقبل و لأى مدى وصلت الخيانات و التأمرات داخل الحكومه اللبنانيه و التيارات اليساريه داخل لبنان

من جانب آخر إذا حاولت تأمل موقف الجيش اللبنانى و صده لضربات فتح الإسلام بالضربات فلا تستطيع فى رأى أن تلقى له بلائمه فالجيش البنانى يقوم و لأول مره بآداء واجبه الشرعى فى الدفاع عن الأراضى اللبنانيه ولكن النظر للمدنيين اللذين يستشهدون إما بضربات الجيش اللبنانى أو فتح الإسلام تشعر بالحزن و الأسى فإلى متى سيظل الشعب العربى كبش فداء على مختلف الظروف التى ليس له فيها يد و مورط فيها و ما أكثر تلك الظروف

فلسطين ..

منذ يومين تجددت الإشتباكات بين فتح و حماس و أحكمت بعدها حماس سيطرتها على قطاع غزه و بدأ الكلام يتناثر حول تحويل غزه إلى إماره إسلاميه ثم يفاجئنا أيمن الظواهرى برأى عجيب نشرته جريدة الدستور بأن حماس لم تلجأ إلى الحاكميه فى سيطرتها على غزه .. أنا لا أعرف معنى الحاكميه و لكن ظهرو أيمن الظواهرى و إبدائه الرأى فى هذا الشأن شىء يوحى بأن هناك رائحة تآمر ( ياريت بقى اللى يعرف حاكميه يعنى إيه يقول لى )

رد بسيط ..

منذ فتره كتب الصديق و المدون محمد مفيد بوست ( يبقى إنت أكيد ف مصر)

و حمل مفيد كل ما هو سلبى فى وطننا على الحكومه وحدها .. أقول و فين الناس يا عم مفيد .. ما بتقولش لأ ليه حتى لو ببعض التصرفات ، ف عدد الدستور يوم الأربعاء 4-7 كتب إبراهيم عيسى فى هذا الشأن و عبر عن موقف الشعب المصرى بتعبير ( الغضب الكسول) و بالفعل ف شعبنا قد لجأ لأسهل مظاهر الغضب و هو الإحباط و قبوله دور الثور المغمى عينيه الذى يدور فى ساقية لقمة العيش و تربية العيال .. الحل مش ف موت مبارك و لا جمال و لا الحل ف الدعاء بأن تهبط علينا صدفه مثل صدفة 23 يوليو الحل حركة منظمه تقودها جميع منظمات المجتمع المدنى فإلى متى ستبقى النقابات مثلا فى ثلاجات إما الحكومه أو الإخوان

إلى متى سيبقى اليسار منشغل بجرائده و (خرط) الكلام و اللى عايز يكمل يكمل

***************************

كفايه كده بقى . نطرى الكلام شويه

قصيده جديده لعلى عبد العزيز و انا لحنتها

( بيحصل كل يوم )

شمس إمبارح طلعت بدرى

قبل إلوقتى بتلتين ساعه

موجة البرد بتقرص عضمى

و انا بسمع صوتك يا إذاعه

رفعت يقرى ف سورة مريم

ثومه تصبَّح ع اللى معانا

و موزيعه ف الراديو بتنصح

هدِّى السرعه تعود بسلامه

ف البراد الشاى ع النار

فول طعميه و جبنا فطار

حد الصبح بيقلى بطاطس !!

مكب واقفه هناك ف الغاطس

عم فتوح يفتح شباكه

الصياد بيلم شباكه

طَرَح النهر الخير بشباره

القشاش كمل مشواره

الركاب نازله محطاطها

خالتى أم احمد مين حَطَطها

لافه الدنيا حوايه و شايله

فوق الراس إقفاص سبوبه

كرو و ماشيه ف الشبوره

بيجرها جحش بيتاوب

الأسأله ملو السبوره

شاطر مين فيكم هايجاوب

فرحانه الشنطه بكراريسها

المدرسه تحضن تلاميذها

المريله صبحت فستان

و عروسه بتستنى حصان

يجى عليه فارس أحلامها

راسماه ع الكراس بقلمها

يجى و يسعد كل أيامها

شمس نهارهم تطلع بدرى

قبل الوقتى بتلتين ساعه

ملحوظه ..

أنا ما لحنتش من أول موجة البرد إلى تعود بسلام ف أول القصيده

طبعا قبل ما أمشى

www.studiosaba.blogspot.com

كلام بكره

2007-06-14T10:13:00.000-07:00

القمر أبو شعر شايب قامت ف دماغه و حب يغيَّر

سبغ شعره بصبغه ليلى و ضفَّره ..

ضفاير طويله طويله لغاية ما وصلت لكتاف الشجر

و بلدنا كل ليله تحت الضفاير تمارس الخطيئه مع ديُّوس شكل

ولاد البلد . من أب تانى .. سيَّفو ضمايرهم ع الشرايح و بيدو لبعض مزدات

مع إن الدقيقه بتلاتين قرش

و لكل قرش حكايه .. و كل قرش بيفتح ف الغيب زقاق

و من زقاق لزقاق لزقاق لما توصل للغوريه

تلقى جدران التاريخ صفحات المشربيه

و تلقى الغلابه اللى بحقيق قاعدين جواها عاملين دواير !!

كأنهم ف إعتصام .. ده مش كلامى أنا ده كلام بكره

و يا سلام يا ولد لما ترجع تانى المشربيات مئوى و سبيل

و النوايه ترجع تسند تانى الزير

و الشباب العجوز يصغر .. و حلمه من كتر ما بيتحقق

يرجع تانى يكبر .. و يصغر .. و يكبر

يمكن يمد إيديه من وسط البلد لحدودها

يمكن يبطل يدِّى لبعضه مزدات

يمكن تبطل أكياس المناديل تبيع نفسها ع القهاوى

يمكن .. و يمكن .. و يمكن

مليون يمكن .. حبلت فيهم الكواليس

***************************

جديد على ستديو صبا

studiosaba.blogspot.com

حفلة صبا يا جماعة

2007-05-19T11:57:00.000-07:00

انا وكل اعضاء فرقة صبا بندعو كل اصحاب المزاج العالى والمتوسط لحضور حفلتنا فى ساقية عبد المنعم الصاوى

بمسرح الحكمة الساعة 8:30 الدعوة عامة والحاضر يعلم الغائب

يوم الاحد 3 / 6 / 2007

فين النور

2007-04-15T10:40:00.000-07:00

1- أول ما .... إدينى ميزد

كان من الطبيعى أن أشاهد مثل هذه التقارير على قناة أو تى فى ، تلك التقارير التى تنقل كل النشاطات التى تقوم بها شبكة موبينيل فى مصر أولا بأول ، و من تلك التقارير تقريرا نقل احتفال الشبكه ببلوغ عملائها العشرة ملايين ، كان الاحتفال فى أحد الفنادق الكبرى و بحضور بعض من الشخصيات العامه كما تم دعوت عازف البيانو العالمى رمزى يسا و الغريب أنه قَبِل أن يعزف الموسيقى كخلفيه للإحتفال و لكن هذا ليس كل المهم .

المهم الحقيقى أنه بفرض أن عدد عملاء شبكة فودافون بلغ العشرة ملايين أيضا ، إذن فنحن لدينا عشرين مليون مصرى يمتلكون المحمول ، السؤال : عشرين مليون مصرى من إجمالى ثمانين مليون نسبه لا تعبر عن شىء أم أنها نسبه كبيره و لا يستهان بها و لها بعض المدلولات ؟

الغريب أن العشرين مليون نسمه هم فى رأى أكثر من ثمانون بالمائه من قطاعات و أشكال المجتمع المصرى فأنت تجد من رجل الأعمال الذى قد يكون متهرب بالمليارات إلى بائع الفول و سائق الكارو مرورا بالموظف و التاجر و الطالب ، كلهم يمتلكون محمولا.

هل هذا دليلا على شىء ؟ هل المحمول من الكماليات أم الضروريات ؟

جميعنا نتذكر الأيام التى بدأت فيها ظاهرة التليفون المحمول و بدايات نشاط شبكاته و خصوصا عام 1998 حيث كان ثمن الخط 1500 جنيه أما الآن و سبحان الله فهو لا يتجاوز العشرين جنيه .. حتى أسعر الدقائق التى بدأت ب 175 قرش و لاآن سبحان الله 40 قرش (عمار يا مصر )

إحسبوها معايا و ستجدون أن الشعب المصرى هو كالعاده تم النصب عليه فى مبلغ يمكن عن طريقه حل مشاكل دول الإتحاد الإفريقى بأثرها و الغريب أن المصريين و كالعاده قاوموا بأسهل الطرق حيث إتخذوا سلوك الميزدات سلوكا طبيعيا و عاديا .

ياريت لما تخلص قرايه بقى تدينى ميزد

2- جنب صباع أبو الهول الكبير

جميعنا طبعا تابع أخبار الحفل الذى أُقيم و أحيته المطربه الفشيعه شاكيره عند سفح الهرم برعايت موبينيل و الغريب أنه حتى فى مثل هذه الحفلات يجد المصريون .. يا حرام .. بعض المشاكل ، الحكايه أنى كنت أشاهد برنامج القاهره اليوم الذى يقدمه صاحب أشيك كرافتات فى مصر عمرو أديب و قد كشف فى هذه الحلقه بعض المشكلات مثل : شدة الزحام ، و عدم مقدرة موبينيل على تنظيم الحفل بشكل جيد لدرجة أن بعض الشباب إستطاعوا كسر الحاجز الموجود بين الناس و المسرح و لكن ما جعلنى أستاء كثيرا و الدمعه كانت هتفر من عينى مكالمات إستقبلها عمرو بن أيب فأحد المتصلين إشتكى أنه إستهلك وقتا كثيرا للوصول إلى الحفل بالتحديد م الساعه سبعه للساعه حداشر ..... أربع ساعات يا مسكين ..... و اشتكوا كثيرا من غلو سعر التذاكر حيث وصل يااااااااااا بشر إلى 750 جنيه للتذكره ، و السؤال : هل شاكيره من الرفاهيات أم إنها حق لكل مواطن .. و مواطنه ؟

بالفعل الشعب المصرى غلبان جدا

قاوَموا الزحام ليصلوا إلى شاكيره و قاوموا إستفتاء الدستور فلم يذهبوا .. و نعم الشعب المقاوم

3- الصينى .. على مين ؟

كلاما كثيرا و تعليقات أكثر سمعتها و ما زلت أسمعها على زواج السيد جمال مبارك ، و كنت مهتما بجمع بعض المعلومات عن ظروف تلك الزيجه .. برضه الراجل إبن ريسنا و عايز أطمن عليه .. جمال مبارك يا ساده من الشباب اللى يا عينى إتأخروا فى الجواز خالص خالص فهو يبلغ من العمر 44 عام و نفسى أعرف إيه المشاكل اللى كان بيواجهها .. أكيد كان بيكون نفسه

هى .... عمرها 24 سنه

الأسم خديجه و الدلع مُنِى .. إيه العلاقه ؟

ثمن عش الزوجيه ... مليون دولار

العنوان .... الزمالك ( يا منجى م المهالك

الشبكه .... يا حرام هو خاتم واحد تمنه ...................... عشر تلاف دولار . بالمناسبه من السرجانى يا بنات

العظيم و اللى خلانى أطمئن على جمال مبارك أن ما أعجبه فى خدوجه ليس جمالها و لا حسبها و لا مالها و لا دينها إنما الحوار السياسى

ما شاااااااااااااااااااء الله

ربنا يكملك بعقلك يا بنى

و بدون أى عقد أليس من حقنا أن نسأل السيد جمال مبارك من أين أتيت بتلك الأموال ؟ جميعنا يعرف تماما أصل و فصل تاريخ أبوك و إذا كان من حقنا أن نسأل كل رجل أعمال يعانى من تخمة الأموال من أين أتى بهذا الكرش

فمن أين أتيت يابن ريسنا ياللى أبوك المفروض حارس لأحلمنا بكل ده ؟ ها منين يله ها

أنا عايز أطمن عليك .. مضُّوك على إيه فى القيمه ؟

4- حنى عليه يا ضحكة العيل ف عز الضهر

خلينى أغرق أنا ف بحر و لألىء طُهر

آه قبل مانسى لو عايز تفوت ع الإستوديو قبل ما تمشى

www.studiosaba.blogspot.com

مدونتى الجديده

2007-04-02T12:27:00.000-07:00

يا جماعه أنا خلصت المدونه الجديده و إسمها ستديو صبا
www.studiosaba.blogspot.com
و ادعولى إنها تبقى مكتبه موسيقيه عليها القيمه
شكر خاص جدا لصاحبى الشاعر محمد أبو الفتوح لمساعدته الكبير فى تنسيقها
(محمد أبو الفتوح : أنا مكسووووووووووووووووف

الملحن أحمد إسماعيل

2007-03-20T12:12:00.000-07:00

إتعرفت على الملحن أحمد إسماعيل على المستويين الإنسانى و الفنى عن طريق صديقى العزيز الشاعر على عبد العزيز و كان لإستماعى لغنائه و موسيقاه أكبر الأثر فى فكرتى عن التلحين و حتى فى عزف العود فقد كان إستماعى له بمثابة نقطة تحوُّل.

قد ارتبط أحمد إسماعيل منذ بداية مشواره _ فى النصف الثانى من ثمانينات القرن العشرين _ باتجاه سياسى و إديولوجى معين

الناصريه و ما تحمله من أفكار من أهمها فكرة القوميه العربيه و التى تغنَّى بها كثيرا و لن أدخل فى كلام عن صحة إرتباط الفن بأى إديولجيه و هل لها آثارا سلبيه أو إيجابيه (بس عايز رأيكم )

و لكن كل ما أعرفه أن أحمد إسماعيل من هؤلاء اللذين قد إستوعبوا و بشكل جيد جدا كما كبيرا من التراث الموسيقى المصرى فقد تأثر بموسيقى القناه سوءا كانت ذات طابع مقاوم أى التى إرتبطت بأغنيات 56 و 67 إلى الموشحات التى تغنى بها مطربوا القناه و كانت لهم آثارا واضحه فى آدائها

أحمد إسماعيل من اللذين وجدوا فى كلمات الشاعر فؤاد حداد أصدق التعبير عن أفكارهم و أحلامهم و حتى عن موسيقاهم و فى رأى أن أحمد إسماعيل من أهم من لحن لفؤاد حداد فقد لحن له ( إيدك لسه ف إيدى) و التى كتبها حداد متغنيا بفكرة القوميه العربيه ، (قتيل المحبه ) ، ( يا طوبه حمره و طوبه خضره ) ، ( إزرع كل الأرض مقومه )

و التى إستمعنا لها فى فيلم العاصفه بصوت محمد نجاتى

و قد لحن لأحمد فؤاد نجم (حلوا المراكب

و هو أول من تغنى بكلمات جمال بخيت لدرجة أن الأخير نفسه قد ذكر لى فى إحدى جلساتنا أن أحمد إسماعيل له الفضل بأن يتعرف عليه الوسط الثقافى و السياسى بشكل واسع

و قد تغنى أحمد له بأغنيات ( إضرب مع طلقة خالد ، واحد إتنين سرجى مرجى ، إرجع بقى

و لحن أحمد إسماعيل أغنيتان فى آخر ألبومات عايده الأيوبى ؛ رفيق عمرى من كلمات الشاعر محمد عبد الستار و هما ( خايفه ، و رفيق عمرى

مع الأسف الشديد لم أجد أغانى و لا حتى صور لأحمد على النت و لكن من يريد أن يرى أحمد و يستمع إلى صوته و ألحانه فليشاهد فيلم خيانه مشروعه و ينظر جيدا و يستمع بتركيز للمطرب الذى يغنى فى المقهى الذى ذهب له هانى سلامه و مى عز و ابراهيم عيسى فقد تغنى فى هذا الفيلم بأغنيتان ( قتيل المحبه و قد وزعها له الموسيقار ياسر عبد الرحمن و التى لحنها هو لحن آخر لحنان ماضى فى ألبوم شباك قديم ، يا طوبه حمره يا طوبه خضره

فى النهايه أتمنى التوفيق لأحمد إسماعيل لأن هذا يشعرنى أنا و بشكل شخصى بالأطمئنان على أشياء كثيره

الشاعر على عبد العزيز

2007-02-28T11:24:00.000-08:00

حصل الشاعر الصديق العزيز " على عبد العزيز" على عضوية إتحاد كتاب مصر و أردت أن أبعث له بتهنأه على طريقتى

القصيده الأولى للشاعر على عبد العزيز من ديوان طالع يغنى

(ولد)

ولد كأنه نجمايه

محوط نهر على ضهره

و شايل شمس ف جيوبه

يبعترهم على الورقه

فتطرح دنيا مختلفه

بسؤال مبهم

و جوابه رد متعلَّق

***********

القصيده الثانيه من نفس الديوان

(شجر الأغنيات)

ساعات أبات

و بوابات الحلم

مفتوحه

ألقاك هناك

زارع شجر شعر البنات

و مضفره

نسمة عصارى

تعفَّره

على صحن فضه

يتعكس صورة ملاك

لسَّاك

بتقدر تنكسر

و الروح ثبات

لا ذكريات الدوامات

بتغرَّقك

و تفرَّقك

حدوته عن شاطر ما خاب

لا خبى صوته ف السكات

و لا شد ع الوتر النشاز

ف نشيد مديح الأوليه

و لا زاحم

الصف الأخير

م الأبريا

و لا كان سواك

لساك هناك

تزرع شجر الأغنيات

و تضفَّره

ف شعر البنات

**********

القصيده الثالثه من ديوانه الثانى نعى الغلابه لبعضهم

(عيون حبيبتى)

عيون حبيبتى وساع

من الحبايب تساع

قد ما تقدر تعد

تبنى .. و لا بتهد

ف العشق صاحبة مهاره

لا مالكها ساكن مغاره

و لا له عصابه ف قصر

سابقه التاريخ و العصر

يا شهرازاد مسرور

سيفه ماهوش مسلول

إلا على عِداكى

لا شفت فيكى ضنى

و لا فقير باكى

و سندبادك مسافر

عشق ف الترحال

لا من ضنين الأسى

و لا دوشة الأهوال

***********

القصيده الرابعه من نفس الديوان

(تاتا ورا تاتا)

تاتا ورا تاتا

يا قلبى بزياده

العتبه .. خطينا

قلنا و غنينا

ليكى السبع حكايات

و تعلبك لو فات

هيغرَّق الدبَّه

ف النهر و لا البير

أنا ف الحكايه غفير

قابض التمن دنانير

و ماجيدى م الفضه

الفجر نتوضى

و الفرض يتقضَّى

و تكمله السنه

جدى اللى كان بنَّى

بنى قلعه للناصر

و سور كبير واصل

باب الفتوح بالنصر

و مزوقك يا مصر

بالخان و بالأزهر

تأمل المنظر

...........

الخيل سنابك تعفَّر المشربيه بغبار

مقدمين الدَرَك ولسم مع الشطار

و سنقر الكلبى

قافلها سوق ورا سوق

عرق الجبين مسروق

و المحتسب بيعد

عدد الليمون دراويش

بيترضوا الحرافيش

و بيمنعوا العامه

م الحضره و الجنه

وارثين مفاتيحها

من اللى فاتحها

غدرك فصل يا سليم

الجثه عن راسها

زى الحسين بتقيد

و تغيظ ف حراسها

حسن يا راس الغول

الحبل مش مفتول

و ابنك على ف السيرك

يشبه أغا من الترك

نسُّوه ملاعيبك

و رقصّوه ع السلك

تفرح به الخواجات

تدفعله بالألوفات

تمن اللى جىّ و فات

************

ألف مبروك يا عم على

تخاريف شتويه

2007-02-12T12:05:00.000-08:00

(1)

قطة جائعه تسير رويدا رويدا تحت مقاعد أحد مقاهى وسط المدينه مُحدقة فى الحكايات المتناثرة على كراسيها و متسمعة للملامح

و الحكاية الجائعه إستطاعت أن تمتلك مكانا رغم أنف الحكايات ، إستطاعت أن تأخذه قسرا بين حكايتين

أخذت القطة الجائعه تنظر ذات اليمين و ذات اليسار متأملة ما حولها من نتوئات أسمنتية قديمه على البلاط القديم و بؤر المياه الراكده و القمامة المتناثره كأشلاء خريطه ثم تخيَّرت أحد الهضاب و جلست بين حكايتين.

(2)

القمر أبو شعر شايب و كام خُصله م السواد فات الحيارى السهرانين و رسم للخطاوى دليل و ع الهرم دمعه و ف كفوف السما قناديل و رسم أهله على وشوش العباد .. القمر أبو شعر شايب دايب ف كام خصله م السواد

(3)

أريد إرسال خطاب لمجلس الشعب لصنع قانون يلزم الحكومه بدفع خمسين جنيه لكل عاطل مع كل هدف يحرزه النادى الأهلى

فرقة صبا

2007-01-14T09:53:00.000-08:00

هيا دى فرقة صبا و هما دول الرجاله اللى وقفوا معايا و اتبنوا الفكره و الشكل الموسيقى اللى كنت فاكر إنى لوحدى بس اللى بتمناه
أعرفكوا بقى بالفرقه
نبدأ بالجماعه اللى واقفين دول
من يمينك و انت قاعد قدام الجهاز
أيمن محمود -دف
إسلام محسن-طبله
شريف سعد-ليد جيتار
خالد يوسف-كيبورد و توزيع موسيقى
بعد كده الجماعه اللى قاعدين
و برضه من يمينك و انت قاعد قدام الجهاز
أحمد إمام-ناى و بيز جيتار
اللى بعده ده حد شبهى ..تقريبا أنا
عمرو حمدى-درامز
كنت حابب أعرفكوا بالناس دى علشان تدعوا لنا و اللى حابب يجى يعمل معانا شغل أهلا و سهلا(واخد بالك يا على يا ألفى)
فرقة صبا بدأتها أنا و الشاعر على عبد العزيز من إبريل 2003 و كنت أنا بغنى على العود بس و عم على بيقول شعره و كان معانا لفتره ولاء عزت بتقول شعر و بتحكى حكى شعبى و قمنا بشوية حفلات بداية من المدن و المراكز اللى فى الدقهليه و ما يجاورها إلى القاهره : معرض الكتاب ، ليالى المحروسه فى رمضان ، مركز الدراسات الإشتراكيه ، نقابة الصحفيين ، نقابة المحاميين إلى أن وصلنا للشكل النهائى اللى إحنا عليه دلوقتى و اللى أتمنى إنه يفضل أطول فتره ممكنه و نقدر نتجاوز أى أزمات
*****
*****
على فكره فيه بوست جديد تانى تحت ده إبقوا إقروه

دخول الجنه بورق موثق

2007-01-14T09:14:00.000-08:00

متعود أنا و أبويا و اخويا ننزل نصلى الجمعه سوا على أساس إن ده اليوم الوحيد اللى بنتجمع فيه و كمان إحنا متعودين على كده من صغرنا ، كل جمعه بيكون فى الجامع اللى بنصلى فيه الشيخ جمال و هو راجل من أكتر الناس اللى كلامهم فيه جزء كبير من المنطقيه برغم إنه فى أوقات بيبقى كلامه فيه شوية (طيابه) ، الجمعه اللى فاتتماجاش الشيخ جمال و لاقينا حاجه غريبه تانيه على المنبر ، لسه شاب واضح إنه أزهرى و كان موضوع الخطبه كلام معاد عن علاقة الرجل بالمرأه على جميع مستوى العلاقه و فجأه و مش عارف إزاى لقيته بيروى حديث فى منتهى الغرابه اللى فى الدنيا
(قال رسول الله صلى الله عليه و سلم ستنقسم اليهود إلى إحدى و سبعون فرقه واحده فى الجنه و سبعون فى النار و ستنقسم النصارى الى ثنتين و سبعون فرقه واحده فى الجنه و واحدة و سبعون فى النار و قيل و نحن يا رسول الله قال و الذى نفس محمد بيده لتنقسمن أمتى إلى ثلاث و سبعين فرقه واحده فى الجنه و ثنتين و سبعون فى النار و سئل الرسول و ما هى هذه الفرقه قال أهل السنه و الكتاب و الجماعه)
و هذا حسب رواية عم الشيخ
و بعد كده أشار عم الشيخ و قال الفرقه دى هى اللى معروفه النهارده بإسم أهل السنه و الجماعه فتأكدت أننى و فى هذا الموقف ذاهب إلى النار ، المشكله إنى مانضمتش لجماعة أهل السنه و الجماعه و سجلت عضويتى فى الشهر العقارى و ختمتها عشان أخش الجنه ، الأزمه إن كان تانى يوم السبت و الشهر العقارى قافل .
يا جماعه الراجل ده أشار فى كذا موضع فى الخطبه إنه أزهرى يا جماعه أنصار السنه بقم فى الأزهر كمان و الناس لغاية فين ممكن تصدق الكلام و لغاية إمتى هاتبقى هيا دى النماذج اللى قدامنا من رجال الدين ، على فكره دى أول مره أخرج من الجامع و اشتم و حسبى الله و نعم الوكيل

مساحه أخرى للبوح

2006-11-23T13:18:00.000-08:00

بداية العلاقه بين الموسيقى الأوركستراليه و الوجدان المصرى

******* ******* *****

كان لإنشاء مبنى دار الأوبر القديم عام 1869 بمناسبة إفتتاح قناة السويس الأثر الكبير على الشعور الموسيقى المصرى و خصوصا فى الطبقه الأرستقراطيه فى هذا الوقت و ذلك عن طريق المواسم الشتويه للدار و التى كانت تحييها الأوكسترات الإيطاليه و الألمانيه . هذا ما شجع بعض أفراد الطبقه المثقفه فى ذلك الوقت على تأليف بعض المقطوعات الموسيقيه البسيطه و التى حاولوا من خلالها التعبير بشكل أو بأخر عن بيئتهم المحليه.

و لكن الأمر لديهم لم يتعد سوى قضاء وقت ممتع مع الأصدقاء فى الصالونات التى تقام لسماع و عزف الموسيقى الكلاسيكيه أما التأليف الموسيقى بمعنى الكلمه و الذى يراعى فيه الهدف ..عمق التجربه .. الرساله المقصوده منه و إلى أى متلقى تُوجه تلك الموسيقى

كانت البدايه الحقيقيه فى بداية العقد الثالث من القرن العشرين عن طريق المؤلف الموسيقى المصرى يوسف جريس 1899/1962 حينما ألف أول قصيد سيمفونى بعنوان مصر و الذى عُزف لأول مره فى الأسكندريه عام 1933 و بهذا يعتبر يوسف جريس أول مؤلف موسيقى يقوم بتأليف أول موسيقى أوركستراليه مصريه . تزامن معه فيما بعد المؤلفان الموسيقيان حسن رشيد و أبو بكر خيرت

كانت التحديات أمام مؤلفى الموسيقى فى هذه الفتره هى كيفية توصيل هذا النوع من الموسيقى للأذن المصرية العادية و أى شكل من أشكال هذا النوع يمكن إستساغته بين الناس فتوجهوا فى ذلك الوقت لإستلهام بعض الجمل الموسيقيه و الأغانى الفولكلوريه و إعادة إعدادها للأوركسترا السمفونى بمعنى إختيار ملودى فولكلورى معين و عزفه بوسطة فصيل معين من الأوركسترا مثلا الألات الخشبيه و يقوم المؤلف فيما بعد بكتابة جمل موسيقيه أخرى لباقى فصائل الأوركسترا مما يعمل على إثراء الحاله الشعوريه للمستمع و هذه هى الفكره الأساسيه التى يقوم عليها التأليف الأوركسترالى

و على الجانب الأخر قام المؤلف الموسيقى حسن رشيد بتوزيع بعض الأغنيات أواخر الثلاثينات/أوائل الأربعينات مثل أوبريت قيس و ليلى لعبد الوهاب و أسمهان ، أغانى و إستعراضات فيلم إنتصار الشباب

و قد ساعدت تلك التجربه على تقريب المسافه بين الأذن المصريه و الكتابه للأوركسترا

مع دخول الخمسينات أصبحت الموسيقى الكلاسيكيه أكثر إلتصاقا بالوجدان المصرى حتى على مستوى المحلنين و المؤلفين الموسيقيين و فى هذا الجيل نجد أسماء كثيره بداية من أحمد حسن الشجاعى و الذى كان رئيسا للإذاعه فى ذلك الوقت و الذى جعل من الإذاعه مجالا خصبا لإبداع المؤلفين الموسيقيين فوجدنا فى هذا الجيل أسماء كثيره مثل

عبد الحليم نويره

حسين جنيد

إبراهيم حجاج

فؤاد الظاهرى

على إسماعيل

كامل الرميلى

جمال عبد الرحيم

عزيز الشوان

عطيه شراره

عادل جرانه

بدأت التحديات تزداد عمقا و كانت من أهمها إخضاع المقامات العربيه ذات التلات أرباع تون للكتابه الوركستراليه ، بدأت تلك التجربه بسيمفونية بحيرة المنزله لعبد الحليم نويره و التى عزفت لأول مره عام 54 و فيما يلى شرح مبسط لتلك الفكره

( أشرنا فيما سبق أن المسافه الصوتيه بين النغمات نصف و هذا ما يسمى بالسلم الكروماتيكى و هذا هندسيا ملائم تماما لكل علوم التأليف الموسيقى و التى تعتمد على وجود أكثر من لحن فى نفس الوقت و لكن المقامات العربيه يوجد بها بعض النغمات المافه الصوتيه بينها تلات أرباع و هذا مع التوزيع يمكن أن يؤدى بسهوله إلى نشاز و المؤلف الموسيقى عندما يؤلف هذا النوع يكون تماما مثل من يمشى على الحبل فعليه تفادى النغمات ذات التلات أرباع و عدم التوزيع الصاخب أثناء عزفها، بالمناسبه هناك بعض المقامات العربيه التى مازال توزيعها شبه مشكله مثل الرست و السيكاه أما من أشهر المقامات التى تم توزيعها هو البياتى و هذا المقام هو مقام بحيرة المنزله حيث كانت من مقام بياتى الحسينى أى بياتى من على حرف ال لا)

كان من التحديات التى واجهت هذا الجيل أيضا تناول جميع أنواع الموسيقى الكلاسيكيه و إخضاعها للزوق العربى فعلى سبيل المثال قالب الكونشيرتو قالب موسيقى كلاسيكى يعتمد على الأوركسترا السيمفونى و تكون هناك أله هى البطل و هى محور العمل و فى الحركه الثانيه عادة من هذا القالب تترك مساحه /كادنس ليبرز فيها العازف كل مهاراته و عادة هذا القالب يُؤلف من أجل عازفين بعينهم ، العبقرى فى هذا الجيل أننا وجدنا كونشيرتوهات لألات القانون و العود و الناى و من أمثلة هذه الأعمال

1- كونشيرتو القانون للمؤلف رفعت جرانه

2- كونشيرتو الناى الأول و الثانى لعطيه شراره

3- فانتازيا للعود لجمال عبد الرحيم

على إسماعيل

البصمه المصريه الحقيقيه فى الموسيقى الكلاسيكيه

الموسيقى الكلاسيكيه عند على إسماعيل ليست مجال لتجريب من وجهت نظرى بل كانت مساحه أخرى للبوح، على إسماعيل اليتيم إبن الملجأ حفظ عن ظهر قلب كل الأغانى الفولكلوريه التى توفرت لديه و هو فى سن صغيره ، حبه لأغانى عبد الوهاب و أم كلثوم ، تجربته الثريه جدا مع فرقة رضا كل هذا جعل وجدانه عجينه خصبه لكل المشاعر الحقيقيه بالإضافه إلى دراسته الموسيقيه العميقه

مع على إسماعيل وجدنا شخصيه موسيقيه تحاول التفرد حتى لو كان هذا يؤدى إلى بعض التشابه بمعنى أن من يسمع موسيقى أو توزيع لعلى إسماعيل سيعرف أنها له قبل أن يقال له

بعد ذلك و فى فترة السبعينات وجدنا الكثير و الكثير من الملحنين الدارسين لعلوم التأليف الموسيقى مثل

جمال سلامه

عمر خيرت

حسن نشأت

عمار الشريعى

هانى مهنى

مجدى الحسينى

فى هذه الفتره بدأنا نجد أوركسترا شعورى خاص بكل مؤلف و ملحن فكل منهم حافظ على شخصيته الموسيقيه تماما لم يتخلى عن أى ملمح شعورى فيها من أجل تجربه موسيقيه و إن حدث هذا فعلى نطاق ضيق

فى فترة الثمانينات و التسعينات ظهرت أسماء كثيره مثل

راجح داوود

شريف محى الدين

سيد رجب

كمال شكرى

ياسر عبد الرحمن

و أخرين

************

فى الختام كنت أود ترك بعض اللينكات لأعمال بعض المؤلفين و لكن لم أجد شيئا من هذا القبيل على الإنتر نت فأرجوكم تابعوا برنامج نغمات مصريه الساعه 11 مساء و لمدة ساعه على إذاعة البرنامج الموسيقى يوميا

حتى لا أنسى قصيد سيمفونى بمعنى سيمفونيه صغيره من حركه أو حركتين

نغمه نشاز

2006-11-07T10:13:00.000-08:00

حينما فكرت فى الدخول إلى عالم المدونات كان فى بالى هدفين أساسيين.
الأول : كنت أريد الدخول إلى هذا المجال الذى أعتقد أنه يحوى الكثير من الصادقين فمن يمارس فكرة التدوين بشكلها المحترم بالتأكيد يكون صادقا.
الثانى : أنه لدى ما أريد أن أقوله عن الموسيقى علما و فنا و عن بعض الموسيقين لأنى أرى فى هذا شكل من أشكال الواجب و الرساله لأحبابى.
و لكن تأتى الرياح بما لا تشتهى السفن.
يا أصدقاء أول أمس الموافق الخامس من نوفمبر ألفين و سته كان النطق بالحكم على صدام حسين.
و أنا لم أكتب هذا البوست دفاعا عن صدام حسين فجميعنا يعرف من هو و يعرف إلى مدى كان حاكما ظالما لشعبه و لن أستخدم فكرة القوميه العربيه و التى كانت من أهم أفكار قيام حزب البعث سبيلا للدفاع عنه فتلك عرقيه متخلفه لا ترتقى لمستوى عظمة و جمال الفكره القوميه .
و لكن الإحساس المر هو فى فكرة أن الإحتلال أصبح الأن يحاكمنا و يحاكم رموزنا مهما كانت فنحن اولى منهم بمحاكماتهم و أحزن كثيرا عندما أجد أن الكثير من الناس لا يستوعبون تلك الفكره .
تلك الفكره التى توُجب علينا أن نقول فى فترة الإحتلال و فى وجهه أن صدام حسين هو الرئيس الشرعى للبلاد فهو الرئيس صدام حسين و هذه ليست حنجوريه و لا عنتريه و لا عدم واقعيه و يبقى سؤالان هامان جدا
1- إلى متى سيبقى إثنان و عشرون شخصا يعبثون بمصائر الملايين من الشعب العربى و يورطونا فى تلك الأحاسيس؟
2- إلى أى مدى سيؤثر هذا الحدث على ما تبقى من الشعور الإيجابى الناتج عن الحرب اللبنانيه؟
إلى متى نعيش فى زمن النغمه النشاز و عصر الخيانات

وجيه عزيز

2006-10-31T09:55:00.000-08:00

www.wagihaziz.com

لن أتحدث عن وجيه عزيز بداياته و مشواره و أعماله فكل هذا موجود فى الموقع الخاص به ، الكلام الحقيقى هو ذلك الطريق الذى قام بشقه داخل المملكه الموسيقيه ، فوجيه عزيز من الملحنين القلائل جدا اللذين إنتبهوا إلى الحالات المزاجيه التى تتميز بها المقامات الموسيقيه و ببساطه سنحاول شرح فكرة المقام حتى يسهل الإحساس بتلك الحاله.

إذا تخيلنا أن أمامنا ألة بيانو و وجدنا الأصابع البيضاء و السوداء التى يعبر كل منها عن نغمه مختلفه و قمنا بالضغط على حرف الدو ثم عددنا سبع نغمات بداية منها فهذا هو المقام بمعنى أن المقام يبدأ من النغمه و ينتهى عند جواب نفس النغمه أى الصوت الحاد منها .

و تختلف المقامات بإختلاف الأبعاد بين السبع نغمات حيث أنه بين كل نغمه و أخرى مسافه صوتيه محدده حسب الموجات الصوتيه الصادره عن كل نغمه و فيما يلى أمثله لمقامات و أعمال فنيه من هذه المقامات للشعور بها.

*مقام العجم أو السلم الكبير

يتميز هذا المقام بالبرأه و الدفء الشعورى و من الأعمال التى تنتمى إليه

1-آه لو تعرف نجاة

2-أهواك عبد الحليم حافظ

3-ممكن محمد منير

4-ساب الجنينه للعبد لله

* مقام النهاوند أو السلم الصغير

يتميز هذا المقام بالرقه و الغموض فى أحيان كثيره و من الأعمال التى تنتمى إليه

1-دور يا زمن على الحجار

2-تخونوه عبد الحليم

3-الفرحه محمد منير

و للحديث عن المقامات بقيه فى بوستات أخرى و لكن حتى لا نخرج كثيرا عن موضوعنا فأريد الإشاره و بقوه إلى الحاله التى يستطيع وجيه عزيز إخراجها من كل مقام مع بروزتها و جعلها بمثابة فلسفه و وجهة نظر موازيه و تفوق فى بعض الأحيان وجهة نظر الشاعر و هذا واضح جدا فى أغنية ممكن لمحمد منير و خصوصا فى البدايه (أسكن بيوت الفرح .. آه ممكن ، أسكن بيوت الحزن .. لا يمكن) لاحظوا مدى التعبيريه العاليه حيث إتخذ اللحن شكل البرائه و الصدق كأنما يريد وجيه أن يقول أن هذه هى الحاله التى فطر الله عليها الإنسان ، بدأت هذه الفكره تمتد إلى فلسفة غناء و طريقه مميزه جدا فمن يسمع ألحان لوجيه بصوت أخرين لابد و أن يعرف أن هذا لحن وجيه و هذا واضح جدا فى أعماله الأخيره بداية من أغنية النهايه لفيلم هيستيريا.

فى إعتقادى أن أحمد ذكى لم يغنى بهذه الطريقه قط و هذا يتضح فى طريقة غناء أحمد ذكى فى (أنا مش عاشق ضلمه) إلى الأخر ، و دخول الكورال فى هذا الجزء بمثابة تظاهره ، كما أعتقد أن فكرة دخول الكورال فكرة وجيه عزيز و ليست فكرة عمرو أبو ذكرى عند التوزيع.

تخيلوا معى مظاهره تجوب شوارع المدن و تقول (أنا مش عاشق ضلمه) بلحنها.

و أخيرا أشير إلى الإستيعاب الكامل من قبل وجيه عزيز لكل تراثه المسيحى الغنائى و هذا واضح بشده فى أغنية (فنان فقير)، وهى من مقام الرست و هو المقام الئيس فى الموسيقى العربيه و الذى يتفرع منه مقامات كثيره تحتوى على التلات أرباع التون و قد سبق شرح فكرة التلات أرباع التون فى أول بوست فى المدونه.

فى النهايه بجد إسمعوا وجيه كويس ملحن مهم جدا و وجهة نظر غير مسبوقه فى الموسيقى العربيه.

المسحراتى .. فؤاد حداد

2006-10-20T11:55:00.000-07:00

مسحراتى منقراتى

ليله ف حياتى

و مع السلامه

بسمع ف ودنى

حس يعاودنى

و بنتى و ابنى

مع السلامه

أنا اللى حارت

برجلى حارة

مع السلامه

مطرح ما ادوّر

ألاقى منور

عمال يشّور

مع السلامه

خالصين يا قافيه

شفتَك بعافيه

مع السلامه

من تانى أرجع

أغنى و اسجَع

تلايمنى تسمع

مع السلامه

المشى طاب لى

و الدق على طبلى

ناس كانوا قبلى

قالوا ف الأمثال

الرجل تدب

مطرح ما تحب

و انا صنعتى مسحراتى

ف البلد جوال

حبيت و دبيت

كما العاشق

ليالى طوال

و كل شبر و حته من بلدى

حته من كَبَدى

حته من موال

رمضان مخلَف هلال و هلال مخلّف عيد

خلّف بنيه و صبى

خلّف أمل و سعيد

و انا طبلتى تغنى غنوه

و تحكى حدوته

بالسمن ملتوته

و نرجع تانى نقول و نعيد

رمضان مخلّف هلال و هلال مخلّف عيد

***************

كل سنه و انتوا طيبين

صدقونى مش مهم

2006-10-15T15:12:00.000-07:00

فى البدايه البوست ده ماكانش فى الحسبان خالص بس اللى حصل يوم الجمعه كان لازم يتوضح و لو أنا غلطان فى حاجه ياريت تقولوا لى ،اللى حصل إن عبده الزراع الشاعر و اللى كان بيدير الندوه قبل حضور الشاعر أحمد عبد المعطى حجازى كان زى النسمه مدينى و قتى و كنت بغنى أكتر من غنوه فى الفقره الواحده و بجد كنت مبسوط قوى لوجود أبو الفتوح لأنه كمان كان هايشاركنى فى فقره من الفقرات و بصراحه كده كنت أنا و أبو الفتوح و على عبد العزيز بنحلم باليوم ده و لكن اللى حصل بعد حضور الشاعر المبجل المحترم أحمد عبد المعطى حجازى تحول عبده الزراع إلى كائن جبلى غبى ، بدأت لهجته تتغير فى الكلام معايا ، بدأ يخلى شعرا يقولوا أكتر من نص و نصين لأن حجازى عايز كده حتى البراشوت زهره العطار خلاها تغنى غنوتين ف أول فقره و خلاها تغنى تانى علشان من حول حجازى عايزين كده و الجميل إن كل ده حصل بعد ما قال لى مافيش حاجه بمزاجك أنا اللى بدير الندوه ، نسيت أقول لكم إن زهره كانت ضيفه زيها زى أى حد و الغريبه إن يوم 11 إستأذنت منى أما يوم الجمعه لقيت عبده هو اللى بيقول لى فحسيت إن إحترام حجازى بقى على حسابى و الغريب إنى لما كلمت الشاعر عزت إبراهيم و هو المسؤل عن واحة الشعراء كلها قال لى بالنص " ما تلومش عبد الزراع ف يوم جاى فيه حجازى لأن لو حجازى زعل تانى يوم هنلاقى الوزير على دماغنا"
حقيقى ماعرفتش أقول له إيه ، بدأت أحس إن نزولى جه فى الوقت المناسب لأنى حسيت بإهانه كبيره قوى لكرامتى ، يمكن أكون غلطان بس أنا شوفتها كده ، لو كنت إتكلمت فى الميك أو أعلنت عن موقفى بشكل وحش كانت الناس العاديه هاتاخد منى موقف ، الناس مالهاش إلا اللى فى الظاهر ، مين المغنى ده اللى جى يغنى بزعيقه؟ بس صدقونى ده مش مهم المهم و اللى زعلنى كان نفسى أبسط كل الناس اللى جولى و اللى ماكانوش يعرفونى و اللى كان نفسى يعرفونى فى ظرف أحلى من كده ، و اللى زعلنى كمان نظرة عتاب من ساسو و هى بتقولى "ينفع تنزل و تسيب حفلتك
أنا ما زعلتش منها أنا زعلت من الموقف كله على بعضه ، الجميل إن ربنا ألهمنى بسرعه و بمساعدة أبو الفتوح إن اللى لازم يحصل حاجه من الإتنين
يا اللى متضايقين عشانى يعملوا شكل إحتجاجى أمام القائمين على الندوه أو نعمل ندوتنا بره على باب الواحه و الجميل إن التانيه حصلت و بسرعه ، مش قادر أقول لكم كنت حاسس بإيه و انا بغنى ف وسطكم ، بغنى قدام أجمل تلات قمرات ممكن أى إنسان يعرفهم فى الدنيا : صفاء و شرين و مروه و أجمل شمس ممكن الواحد يعرفها : الواد آدم و شوية النجوم اللى كانوا معاه ، صدقونى الشمس ليها نجوم زى القمر بالظبط
بجد مش عارف أقول عليكوا إيه ، و الله مانا لاقى كلام أقوله إنما بالتأكيد أنتوا أكتر من الأصدقاء بشويه حتى دعاء غريب لقيتها بعتالى أم أحمد زميلتنا فى المدونه اللى جنبى بس مع الأسف جت و البراشوت بيغنى
الجميل و تقدروا تعتبروا ده خبر إمبارح بس كلمت آدم و بدأنا نتفق على حفله فى ساقية الصاوى قريب جدا إن شاء الله بعيد عن كل الضغوط و كل القرف و كل التملق و كل النفاق
خليكوا دايما جنبى ، مش عايز أنسى أشكر صفاء أو أختى صفاء للمره التالته و الرابعه و الخامسه على المجهود اللى عملته معايا فى الحفلات دى
بحبكووووووووووووووووووووووووووووووووووووووووووووووووووووا
آه قبل مانسى الواد أبو الفتوح كان عايز يقول حاجه .. قول يا عم
معاكوا أبو الفتوح
الفنان أهم حاجه عنده كرامته ، يمكن يكون اللى حصل يبان دفاع سلبى عن الكرامه بس أنا ماكنتش عارف إزاى هيثم هايقعد باقى الحفله على المسرح من غير ما يفتح بوقه و بعدين الدفاع الإيجابى جاى فى السكه
صفاء .. ليه عندك علبة كانز و هاشربها يعنى هاشربها
شرين و مروه نورتونى
آدم بحبك
كان نفسى قوى قوى قوى أطلع كل اللى عندى و أقرب منكوا أكتر و اكتر بس .. و لا بس و لا حاجه كله جاى
و بإذن الله هانعمل حافله جامده جداااااااااا
كتبتلكوا كل اللى عايز أقوله ف قصيده على مدونتى
و أحلى سلاااااااااااااااااااااااااااام

ذكرى

2006-09-30T12:55:00.000-07:00

أمس الموافق 29/9/2006 مرة علينا الذكرى السادسة و الثلاثون على رحيل جمال عبد الناصر و منذ أن نويت أن أكتب فى هذا الموضوع و حتى كتابة هذه السطور لم أكن قد حددت أى المداخل سأبدأ به كلامى و أى النقاط سأتحدث عنها فقررت أن أتركها للتساهيل فى لحظة الكتابه و سأحاول مراعاة الحياديه قدر المستطاع
بداية ما قام به ناصر و تنظيم الظباط الأحرار إسمه العلمى إنقلاب و ليس ثوره فالثوره لابد من مشاركة الجماهير بشكل فعال فيها و لابد أن يكونوا هم السبب و المفكر و المحرك أما فى إنقلابات الجيوش فعادة ما تكون رد فعل مجموعه من ضباط الجيش تجاه أحداث معينه أو تجاه نظام حكم و هذا ما كان فتحرك ناصر و من معه كان ضد وجود الإنجليز و الحاشيه الموجوده حول الملك فقط و ليست ضد الملك و لكن ما حدث أن بعد قيام تلك المجموعه بالعمليه إنقلبت اللعبه السياسيه تماما و الموازين داخل القصر و كان هذا بسبب الوضع المزرى الموضوع فيه الملك فاروق فكانت الضغوط عليه تنهال من كل جانب من الإنجليز تاره و من الوفديين تارة أخرى و فى ثلاثة أيام رحل الملك فاروق و وجد تنظيم الضباط الأحرار نفسه مسؤلا عن بلد و حكم دون تجهيز مسبق أو إعداد لفلسفه أو حتى نظره مستقبليه للمشوار المصرى فى السنوات التاليه و هنا بدأ دور هيكل مع اللواء محمد نجيب و جمال عبد الناصر فى وضع رؤيه عامه و هو ما عُرف بعد ذلك ب (فلسفة الثوره) و فى رأى أن تلك الفلسفه هى التى جعلت تنظيم الضباط الأحرار ينقلب على اللواء محمد نجيب و يرفض وجوده و هذا لأن اللواء نجيب أراد التعويل مرة ثانيه على بعض رموز العهد البائد فى بعض الأمور السياسيه
ناصر لم يكن صاحب فكرة القوميه العربيه بل بدأت عند مجموعه أسمها القوميين العرب تواجدت فى سوريا فى ثلاثينات القرن العشرين و حتى قانون الإصلاح الزراعى و السد العالى ليسوا من بنات أفكار ناصر الغريب و المهم أن ناصر إستطاع أن يجعل من تلك الأفكار الموجوده فى الكتب و على الألسنه حياه لها ملامح و أتوجه الأن بكلامى إلى الرافضين لأنية تنفيذ قانون الإصلاح الزراعى للأنه جاء بالظلم على بعض الأثرياء الذين لم يكن لهم ذنب فى الإستيلاء على هذه الأرض على حد زعمهم و أقول أن كل الأراضى التى إستُردت عن طريق هذا القانون قد أهداها محمد على إلى أثرياء عصره أجداد أثرياء عصر عبد الناصر
فى إعتقادى أن ما قام به عبد الناصر فى خلال ثمانية عشر عاما هى فترة حكمه يستحق النظره الفاحصه على المستوى السياسى و العسكرى و الإقتصادى أعتقد أن جميعنا شعر بأهمية القطاع العام بعد بيع الكثير منه و مدى أهمية تأميم قناة السويس بعد بيع الشركات الصغيره و التى كانت تختص بصيانة مجرى القناه و تشغيل بعض المهندسين ، فى عهد عبد الناصر وجدت الطائرات الحربيه الصناعه المصريه و كانت طرازها )جمهوريه( و رأينا أشياء كثيره من الصناعه المصريه أما من الناحيه العسكريه جميعنا يعلم أن إنتصار مصر على العدوان الثلاثى سنة 56 لم يعد كله للتدخل الأمريكى و إعطائها أوامر لإنجلترا و فرنسا بوقف العدوان ، الإنتصار الأكبر كان عن طريق الناس العديين فى بورسعيد و تحويل الحرب إلى حرب شعبيه عسكريه من الدرجه الأولى و فى إعتقادى أن هنا بلوره جيده للعلاقه بين عبد الناصر و الجماهير ، تحويل فكرة القوميه العربيه إلى فكره إستراتيجيه و سياسيه بدلا منت أنت تكون فكره عرقيه عنصريه ساعد على سرعة القيام ببعض تجارب حيه للوحده العربيه سواء بين مصر و سوريا أو مصر و ليبيا و السودان و اليمن
بعد يونيو 67 بدأ ناصر فى إعادة تدريب الجيش المصرى و بداية ما يسمى بحرب الإستنزاف بالمناسبه السبب الأساسى فى النكسه هى محاوله أخرى لإنقلاب أخر كان يريد القيام به المشير عبد الحكيم عامر
أعتقد أن من الأخطاء التى وقع فيها عبد الناصر إطلاق يد العنان لبعض النماذج الفاسده من مجلس قيادة الثوره مما أدى إلى وة جدود أبشع صور التعذيب و الإنتهاكات الأدميه داخل معتقلات ناصر
الثابت أن أبشع معتقلات عاصرتها مصر معتقلات ناصر
و أحب الحكام المصريين إلى العرب ناصر
و الثابت أن من كرهوا ناصر بمجمله لم ينفوا عنه صفة الوطنيه بأى حال من الأحوال فبالفعل تجربة ناصر خلقت منه رمز حقيقيا للشعور الحار بالكرامه و العزه التى إفتقدناها كثيرا منذ وفاته هذا ما يجعل صورة ناصر بجانب صور لحسن نصر الله و الشيخ أحمد ياسين و حتى صدام حسين بعد سقوط بغداد
نحن لسنا فى حاجه أن يعود عبد الناصر مرة أخرى مثل ما يقول سازجى التيار الناصرى نحن نريد خلق روح ثوريه غاضبه تعرف حقوقها و مستفيده من تجربة ناصر و كل التجارب المشرفه فى حياتنا فأنا بصراحه برغم عشقى و ولعى بناصر فأنا أرفض تماما الرهان على الصدفه التى ربما تأتى بناصر جديد

يا صحبة الخير

2006-09-22T11:59:00.000-07:00

بجد مش قادر أوصف سعادتى لما لقيت فيه إقبال بيزيد على المدونه بجد عمرى ما كنت أصدق إنى ممكن أحس بالدفا من خلال شبكة المعلومات الدوليه
الجميل فى المدونات إن الطيور على أشكالها تقع و بسهوله قوى
فرحان قوى بمعرفة ساسو و محمد مفيد و ابو أمل و آدم حتى يا مصر أرسل إليكى رسائلى برغم طول الأسم بس مش مشكله :)
الدفا اللى أنا حاسس بيه ده هو اللى مخلينى متحمس قوى للآتى
دعوه
يوم 11 و 19 و 20 رمضان مواعيد الليالى اللى هاغنى فيها و العنوان :حديقة السيده زينب الحوض المرصود و الحفلات دى فى إطار حفلات ليالى المحروسه اللى بتنظمها الهيئه العامه لقصور الثقافه كل يوم الساعه 8 و نص و الحديقه بيتم تقسيمها لمخيمات و مقاهى ثقافيه
و أنا هيكون مكانى بواحة الشعراء
عايز أشوف كل اللى بحبهم و اللى حاسس إنهم بيحبونى
يلا نشوف بعض
على فكره محمد أبو الفتوح هيكون معايا يوم 19 أو 20 رمضان اللى هيجى عشلن يشوفه بس مايجيش أحسن :)
فكلمونى عشان ننسق مع بعض
تليفونى 0108737173
إعلان
أنا نزلت الأغانى تانى بس المره دى أغانى الشريك كلها و ريال بلاير يعنى هينزلوا هوا الصوت مش بطاااال :) بس ياريت تحولوهم إم بى ثرى بعد تنزيلهم جاايز الصوت يحلو شويه
الأغانى الرمان و طرح الشبك و طير شريد و عيون حبيبتى و سفينة نوح شعر على عبد العزيز
أما بيكيا و ساب الجنينه شعر محمود عبد الباسط
أما كا أما شوفك شعر أمجد القهوجى
http://rapidshare.de/files/34063550/_-_Track03.amr.html
http://rapidshare.de/files/34065847/_-_Track01.amr.html
http://rapidshare.de/files/34065965/_-_Track02.amr.html
http://rapidshare.de/files/34066069/_-_Track04.amr.html
http://rapidshare.de/files/34066149/_-_Track05.amr.html
http://rapidshare.de/files/34066289/_-_Track06.amr.html
http://rapidshare.de/files/34066392/_-_Track07.amr.html
http://rapidshare.de/files/34066663/_-_Track08.amr.html
http://rapidshare.de/files/34066756/_-_Track09.amr.html
مفاجأه
أغنية عيون حبيبتى هتشتغل طول ما انت ع المدونه

من عمرو خالد إلى عمرو أديب

2006-09-17T12:36:00.000-07:00

بالتأكيد قد إستمعنا جميعا للتصريحات التى أطلقها بابا الفاتيكان فى إحدى محاضراته منذ أيام قليله و التى تركزت فى مجملها على إهانة الدين الإسلامى و إتهامه بما ليس فيه فقد صب البابا كلامه كله على نقطه قديمه قد إتُهِم بها الإسلام من قبل و هى أن جوهر الإسلام ضد الإنسانيه و الحريه بشكل عام و أن الرسول صلى الله عليه و سلّم قد إستخدم جميع أساليب القهر و الإرهاب فى نشر دعوته و قال أن الإسلام قد دخل شتى البقاع بحد السيف.
حينا إستمعت إلى هذه الكلمات شعرت أن إهانة الإسلام و المسلمين فى أيامنا هذه بدأت تأخذ شكل (الموضه) فنحن لا نكاد نفيق من إهانه حتى نستضم بأخرى هيا بنا نضيف تصريحات البابا إلى قائمة الإهانات (المُعلنه) على الإسلام.
1- الإهانات المستمره لمسلمى معتقل جوانتانامو من قبل قوات الجيش الأمريكى و التى وصلت فى بعض الأوقات إلى إجبارهم على إستخدام أوراق المصحف بدلا عن أوراق المناديل فى الحمامات.
2-الصور الدنماركيه و التى مثلت إهانه مباشره لشخص سيدنا محمد عليه الصلاة و السلام.
3-التصريحات الوقحه لوزير خارجية إيطاليا السابق القئل فيها إنه يكره المسلمين و سيرتدى ملابس مطبوع عليها الصور الدنماركيه.
4-إصدار إسرائيل لطابع بريد يصور مؤذنا و أمامه نوته موسيقيه و المصلين من خلفه يتمايلون طربا.
5-تصريحات بابا الفاتيكان.
6&7&8-و البقيه تأتى.
طبعا هذه القائمه السابقه بعيدا عن الإهانات شبه اليوميه من قوات الجيش الإسرائيلى على المسجد الأقصى.و الغريب ما حدث بالأمس..الإعلامى الهلامى صاحب أروش كرافاتات عرفها التاريخ المصرى الحديث(عمرو أديب) حاول تمرير الفكره القديمه المُعاده و قال أن من يركز مع تصريحات البابا سيجد أنه يتكلم عن جهل و يجب أن ترسل المؤسسات الإسلاميه العالميه بعثات لتوضح و تشرح تعليم الدين الإسلامى السمح لسماحة البابا،هذه الفكره قد طرحها من قبل سماحة الداعيه الطيب (عمرو خالد) أيام نشر الصور الدنماركيه و أنا فى رأى أن هذه الفكره تعد إشتغاله كبرى لأنه إما الغضب و إما إرسال البعثات ثم أن الصوره السمحه التى أراد توصيلها عمرو خالد إلى الدنمارك و كذلك عمرو أديب إلى الفاتيكان هى نفسها نفس الفكره التى تريد أمريكا أن تصدرها هى عن الإسلام و أتسائل كيف نُواجه بكل هذه الأشياء و يكون موقف الميديا العربيه بهذه المياعه و أسئل من وقفوا مع سماحة الداعيه عمرو خالد فى سفره إلى الدنمارك و بعد كل ما عرض هل مازلتم تصدقوا أن الغرب يريد أن يعرف شىء عن الإسلام
عمرو خالد عمرو أديب
حرام عليكوا إرحمونا شويه

طريقى

2006-09-11T12:15:00.000-07:00

أحب قوى غنا الناس،أحب أغنى لهم و أعبر عن كل مشاعرهم و كل أحاسيسهم و كل العقبات اللى بتقف فى طريقهم و تحقيق أحلامهم،مش معنى كده إنى ما بحبش الغنى العاطفى،بحبه و كل حاجه بس ما أحبش يكون مسيطر على كل حالات الغنى اللى فى الدنيا

فى الحقيقه أنا ما كنتش واخد بالى من ده قوى بس من سبع سنين بالظبط قابلت صديقى الشاعر على عبد العزيز كان عمرى 19 سنه تقريبا و فى الحقيقه بدأ يسمّعنى ناس كتير من الشيخ إمام أحمد إسماعيل محمدعزت و زى ما أكون أنا كنت بتلكك لاقيت نفسى حسيت السكه بسرعه قوى بكل أفكارها و كل توجهاتها بدأت أنا و على نشتغل و نجرب فى سكك كتير لغاية ما عملنا أغنيه إسمها فجرنا الأخضر و بدأنا نشتغل بجد أنا لقيت شخصيتى و هو لقى سكته

صدر لعلى عبد العزيز ديوانين الأول بعنوان طالع يغنى و التانى نعى الغلابه لبعضهم

على فكره نصوص كتير من الديوانين لكل الأغانى هتبقى على الموقع اللى هنشره اليومين دول

الشاعر محمود عبد الباسط

محمود عبد الباسط شاعر من بنها و اتعرفت على شعره و لحنت له قبل ما أشوفه أنا شايف إنه شاعر رقيق جدا و له إحساس مختلف بالحاجات اللى بتحصل فى الدنيا و هو برضه له ديوانين دموع حضرتك و يدوب تلحق

على فكره أنا عامل لينك لموقعه

____________________________________________________

أنا عامل أربع لينكات لأربع أغانى مغنيهم فى مشروع ألبوم نقيت فيه مجموعه من أغانيه للشعراء على عبد العزيز و محمود عبد الباسط و أمجد القهوجى و الأربع أغانى دول هما الرمان و عيون حبيبتى لعلى عبد العزيز و بيكيا و ساب الجنينه لمحمود عبد الباسط

ملحوظه سمعت إن الأغانى هتعد شهر بس من تاريخ الأب لووود و انا عملت الأب لود ده 11/9/2006

ملحوظه2 الأغانى نازله mp3 لأنى ملقيتش برنامج يحول لريال بلاير

فالأغانى تقيله شويه فمتيأسوش بسرعه

http://rapidshare.de/files/32768255/_-_Track03.mp3.html

http://rapidshare.de/files/32770183/_-_Track01.mp3.html

http://rapidshare.de/files/32772818/_-_Track06.mp3.html

http://rapidshare.de/files/32775637/_-_Track08.mp3.html

إسم المدونه

2006-09-08T14:02:00.000-07:00

الصبا أحد المقامات الموسيقيه العربيه و أعنى هنا بكلمة عربيه أنه من المقامات التى تحتوى على ثلاثة أرباع التون و نقف لحظات مع هذه النقطه.
كل أنواع الموسيقى على مستوى العالم تكون الأبعاد بين نغمات مقاماتها(1،1.5،2،2.5 و هكذا) بمعنى أخر أن النغمه تزيد أو تنقص بمقدار نص و هو ما يعرف بأسم السلم الكوروماتيكى .
أما فى الموسيقى العربيه فالمقامات نجد أن بها نغمات تزيد بمقدار ثلاثة أرباع،و هذا علميا و هندسيا يسبب مشكله عند محاولة إخضاع بعض هذه المقامات لعلوم التوزيع الموسيقى مثل الهارمونى فالمحاولات حثيثه جدا و خصوصا مع بعض المقامات مثل الرست.
مقام الصبا من أكثر المقامات الموسيقيه العربيه تعبيرا عن الحزن و خصوصا الحزن البكّاء بل هى من أهم و ظائفه التعبيريه فى الموسيقى العربيه، و هذا يرجع لتاريخ نشأة المقام، فمقام الصبا قد ألهم الله به البشر فى العراق و خصوصا عند مقتل الحسين عليه السلام فكان عديد الناس(الندب على الميت) من مقام الصبا و هذا فى إعتقادى تلخيص لبشاعة يوم كربلاء بكل تفصيلاته.
من أمثلة الأغانى التى يوجد بها مقام الصبا(سماح لمحمد قنديل-ليلى لعلى الحجار-هو صحيح الهوا غلاب لأم كلثوم-أنا أتوب عن حبك أنا للشيخ إمام) و من المحاولات الفريده لإخراج مقام الصبا عن طبيعته الحزينه أغنية زينه و التى حاول فيها فريد الأطرش جعل من مقام الصبا مقاما مفرحا و أغنية حى على الفلاح و التى حاول فيها محمد عبد الوهاب جعل الصبا مقاما مقاوما مستنهضا لهمم الناس فى فترة النكسه و فى إعتقادى أن هذه الأغانى لم تنجح تماما فى إخراج مقام الصبا من طبيعته فمقام الصبا حزين لدرجة أنك لو حاولت غنائه و نظرت لوجهك ستجد ملامح الحزن تعتريك بدون مبالغه.
_
بالمناسبه ياترى أخبار مقام الصبا إيه فى العراق دلوقتى