Friday, September 08, 2006

إسم المدونه

الصبا أحد المقامات الموسيقيه العربيه و أعنى هنا بكلمة عربيه أنه من المقامات التى تحتوى على ثلاثة أرباع التون و نقف لحظات مع هذه النقطه.
كل أنواع الموسيقى على مستوى العالم تكون الأبعاد بين نغمات مقاماتها(1،1.5،2،2.5 و هكذا) بمعنى أخر أن النغمه تزيد أو تنقص بمقدار نص و هو ما يعرف بأسم السلم الكوروماتيكى .
أما فى الموسيقى العربيه فالمقامات نجد أن بها نغمات تزيد بمقدار ثلاثة أرباع،و هذا علميا و هندسيا يسبب مشكله عند محاولة إخضاع بعض هذه المقامات لعلوم التوزيع الموسيقى مثل الهارمونى فالمحاولات حثيثه جدا و خصوصا مع بعض المقامات مثل الرست.
مقام الصبا من أكثر المقامات الموسيقيه العربيه تعبيرا عن الحزن و خصوصا الحزن البكّاء بل هى من أهم و ظائفه التعبيريه فى الموسيقى العربيه، و هذا يرجع لتاريخ نشأة المقام، فمقام الصبا قد ألهم الله به البشر فى العراق و خصوصا عند مقتل الحسين عليه السلام فكان عديد الناس(الندب على الميت) من مقام الصبا و هذا فى إعتقادى تلخيص لبشاعة يوم كربلاء بكل تفصيلاته.
من أمثلة الأغانى التى يوجد بها مقام الصبا(سماح لمحمد قنديل-ليلى لعلى الحجار-هو صحيح الهوا غلاب لأم كلثوم-أنا أتوب عن حبك أنا للشيخ إمام) و من المحاولات الفريده لإخراج مقام الصبا عن طبيعته الحزينه أغنية زينه و التى حاول فيها فريد الأطرش جعل من مقام الصبا مقاما مفرحا و أغنية حى على الفلاح و التى حاول فيها محمد عبد الوهاب جعل الصبا مقاما مقاوما مستنهضا لهمم الناس فى فترة النكسه و فى إعتقادى أن هذه الأغانى لم تنجح تماما فى إخراج مقام الصبا من طبيعته فمقام الصبا حزين لدرجة أنك لو حاولت غنائه و نظرت لوجهك ستجد ملامح الحزن تعتريك بدون مبالغه.
_
بالمناسبه ياترى أخبار مقام الصبا إيه فى العراق دلوقتى

13 Comments:

Blogger saso said...

في الاول مبروك وهييية علشان انا اول حد اقولهالك :) بعد كدة بقي لما سمعت اغنية ليلي في مسلسل ابو العلا البشري اللي اغلب اغانية بحبها سالت السؤال دة لية الاغنية حزينة ومزيكتها بتتقطع كدة- مش قصدي تقطع القلب طبعا انا قصدي فيها نقلات او فراغات تصاعدية والعكس - يومها بابا قاللي انها صبا واداني كتاب عن المقامات وفهمتة علي قدي بس خدت عنة الانطباع الحزين ،اول مرة اعرف ان زينة اللي مش بحبها خالص من نفس المقام

كمان في الجزائر مواويل البنات واغاني الجواز بنفس الموود دة لما باسمعها معرفش ازعل ولا افرح

8/9/06  
Blogger أبو أمل said...

مبروك المدونة
انتظرناك
من خلال محمد ابوالفتوح
العب وقسم
فى انتظاك

10/9/06  
Blogger مـحـمـد مـفـيـد said...

عزيزي هيثم
اولا مبروك علي المدونه
ثانيا القاع\هره كلها في انتظارك في رمضان
زهيا يا بطل ورينا الاراء الجريئه

10/9/06  
Blogger هيثم محفوظ said...

saso
فى البدايه أشكرك جدا إنك شرفتينى بإنك كنتى أول واحده تزورى المدونه
بجد ملاحظتك محترمه جدا فى غنوة ليلى و ياريت لو تقوليلى على أسم الكتاب اللى إداهولك بابا و بالنسبه لمواويل البنات الجزائريه و أغانى الجواز عندهم فانا ماكدبش عليكى اللى سمعته كان ضئيل جدا فى النوع ده من الموسيقى بس عايز ألفت نظرك إن ممكن يكون مقام الصبا مش هو الغالب على الأغانى دى بس أسلوب الغنا و طريقة تناول المقامات الأخرى هى اللى بتديكى الإيحاء ده و دى لفلسفة خاصه بيهم فمثلا تخيلى إن أغنية (ياعينى ع الولا) بتاعت شاديه فى شىء من الخوف مش مقام صبا دى من مقام الحجاز بس بليغ حمدى و فلسفته التعبيريه فى تناوله للمقام هى اللى مدياها روح العدوده
فى النهايه خليكى متابعانى ضرورىىىىىى
و لو عندك فكرهعن أسامى مواقع فيها شغل فولكلور من أى حته فى الدنيا قوليلى على طول
و سلااااااااامى

أبو أمل الجميل
فى البدايه فرحت قوى لما عرفت من أبو الفتوح إنك عامل مدونات تانيه و خصوصا مدونة صعيدى شحط محط
بجد محتاجين لحد يكلمنا بعمق عن كل فنون القول الصعيدى و بجد هى دى أجمل حاجه فى المدونات إن الواحد يطلع أجمل ما عنده
فى النهايه يلا نقسم سوا
و سلاااااااامى لأمل :)

محمد مفيد
محمد باشاأنا مستنيك فى رمضان بجد
لغاية دلوقتى المواعيد لسه ماتحددتش
أول ماعارف بالظبط المواعيد أمتى هنشرها ع المدونه
نمرتك خدتها من أبو الفتوح و هتلاقينى بافجأك
وبالنسبه للأراء الجريئه فكلنا بنقول و رزقنا على الله
سلاااااااام يا ريس

10/9/06  
Blogger moorgen said...

هااااى هيثم

مبروك المدونه يا باشا

ومادام اتكلمت على النغم الحزين يبقى جيت على الوتر الحساس


:)
تحياتى

11/9/06  
Blogger مـحـمـد مـفـيـد said...

ياباشا كل القاهره في انتظارك
انت والباشا ابو الفتوح

11/9/06  
Blogger هيثم محفوظ said...

moorgen
النغم الحساس طبعا هتقوليلى
إدعيلى بس أقدر أخلى المدونه مختلفه شويه باى باى يا جميل
محمد مفيد
شكرا يا عم لما نشوف

11/9/06  
Blogger المزاجنجي said...

الله انت عشرة على عشرة كده يبقى ضمنا كمان نتعلم فن شغال يا فنان واحنا معاك مبروووووك

20/9/06  
Blogger Abdou Basha said...

أنا بحب الموسيقى جدا، وحاولت في مدونتي اني اتكلم عن المقامات الموسيقية، أتمنى في مدونتك تتناول الموضوع ده على قد ما تقدر .

1/10/06  
Blogger أحمد said...

مافتكرش انك فاكرنا

5/10/06  
Blogger هيثم محفوظ said...

أحمد
فكرنى بيك أكتر
نص الشعب محمد و التانى أحمد :)

9/10/06  
Blogger راندا رأفت said...

السلام عليكم ورحمة الله
ازيك يا هيثم
ما صدقتش لما لاقيت مدونتك

الف مبروك على المدونة
ومبروك على المدونين
ببارك بس الأول وبعدين اسمع اللينكات بتاعتك
تمنياتي بالتوفيق

9/10/06  
Blogger هيثم محفوظ said...

إنتى فين يا أستاذه
على العموم الله يبارك فيكى
إسمعى بقى و قوليلى رأيك

15/10/06  

Post a Comment

<< Home