Sunday, September 17, 2006

من عمرو خالد إلى عمرو أديب

بالتأكيد قد إستمعنا جميعا للتصريحات التى أطلقها بابا الفاتيكان فى إحدى محاضراته منذ أيام قليله و التى تركزت فى مجملها على إهانة الدين الإسلامى و إتهامه بما ليس فيه فقد صب البابا كلامه كله على نقطه قديمه قد إتُهِم بها الإسلام من قبل و هى أن جوهر الإسلام ضد الإنسانيه و الحريه بشكل عام و أن الرسول صلى الله عليه و سلّم قد إستخدم جميع أساليب القهر و الإرهاب فى نشر دعوته و قال أن الإسلام قد دخل شتى البقاع بحد السيف.
حينا إستمعت إلى هذه الكلمات شعرت أن إهانة الإسلام و المسلمين فى أيامنا هذه بدأت تأخذ شكل (الموضه) فنحن لا نكاد نفيق من إهانه حتى نستضم بأخرى هيا بنا نضيف تصريحات البابا إلى قائمة الإهانات (المُعلنه) على الإسلام.
1- الإهانات المستمره لمسلمى معتقل جوانتانامو من قبل قوات الجيش الأمريكى و التى وصلت فى بعض الأوقات إلى إجبارهم على إستخدام أوراق المصحف بدلا عن أوراق المناديل فى الحمامات.
2-الصور الدنماركيه و التى مثلت إهانه مباشره لشخص سيدنا محمد عليه الصلاة و السلام.
3-التصريحات الوقحه لوزير خارجية إيطاليا السابق القئل فيها إنه يكره المسلمين و سيرتدى ملابس مطبوع عليها الصور الدنماركيه.
4-إصدار إسرائيل لطابع بريد يصور مؤذنا و أمامه نوته موسيقيه و المصلين من خلفه يتمايلون طربا.
5-تصريحات بابا الفاتيكان.
6&7&8-و البقيه تأتى.
طبعا هذه القائمه السابقه بعيدا عن الإهانات شبه اليوميه من قوات الجيش الإسرائيلى على المسجد الأقصى.و الغريب ما حدث بالأمس..الإعلامى الهلامى صاحب أروش كرافاتات عرفها التاريخ المصرى الحديث(عمرو أديب) حاول تمرير الفكره القديمه المُعاده و قال أن من يركز مع تصريحات البابا سيجد أنه يتكلم عن جهل و يجب أن ترسل المؤسسات الإسلاميه العالميه بعثات لتوضح و تشرح تعليم الدين الإسلامى السمح لسماحة البابا،هذه الفكره قد طرحها من قبل سماحة الداعيه الطيب (عمرو خالد) أيام نشر الصور الدنماركيه و أنا فى رأى أن هذه الفكره تعد إشتغاله كبرى لأنه إما الغضب و إما إرسال البعثات ثم أن الصوره السمحه التى أراد توصيلها عمرو خالد إلى الدنمارك و كذلك عمرو أديب إلى الفاتيكان هى نفسها نفس الفكره التى تريد أمريكا أن تصدرها هى عن الإسلام و أتسائل كيف نُواجه بكل هذه الأشياء و يكون موقف الميديا العربيه بهذه المياعه و أسئل من وقفوا مع سماحة الداعيه عمرو خالد فى سفره إلى الدنمارك و بعد كل ما عرض هل مازلتم تصدقوا أن الغرب يريد أن يعرف شىء عن الإسلام
عمرو خالد عمرو أديب
حرام عليكوا إرحمونا شويه

12 Comments:

Blogger ادم المصري said...

انت جميل فعلا .. تعرف ان سماحة الرجل الطيب عمرو خالد .. اللي لامم الناس حواليه ما بيتكلمشي اصلا في اي شيء

كلها اصلا شخصيات هولامية .. تبحث عن الشهرة

تعرف ام الاكادمييين لما اتهمو عمرو خالد وقالو عليه مضلل لانه بيقول روايات خاطئة

واللي دافع عنه مريديه .. اللي غاويين حكايات قبل النوم

والحجة ان الروايات الغلط عملت تاثير كبير ما عمالتهوش الروايات الصح

تعرف الغرب عمره ما هيعرف الاسلام الا لما المسلمين يكونو مسلمين

18/9/06  
Blogger مـحـمـد مـفـيـد said...

احييك علي البوست الرائع ده
فعلا عمرو خالد اسهمه بقت في النازل خسر معظم الشعبيه التي اكتسبها وان شايفه ما هو الا رجل عادي يتحدث في الدين ولن يقدر ان يكون مثل عمالقه
اما موضوع الاهانه والصمت فنحن تعودنا علي كده فحسبنا الله
وفين المواعيد يا عم

19/9/06  
Blogger يا مصر اكتب إليكي رسائلي said...

وانا معاكم طبعا امال انا فايدتي ايه في الدنيا دي ،،، طبعا الغرب مش محتاج للتعريف بالدين الاسلامي
على فكره دي ممكن تكون المره التالته للارسال ، لو لقيتهم كلهم الغي اتنين لو سمحت

19/9/06  
Blogger saso said...

!!!
مفهمتش انت عاوز نلغي الحوار لانة تعطيل عن التعبير عن الغضب ،، ولا اعتراضك علي فكرة الحوار نفسها
ممكن تطلع عمرو خالد واديب واديني حلك انت للموضوع ؟

19/9/06  
Blogger Mamdouh Dorrah said...

نعرف الكلام عندك كان ماشي جميل و قابل للنقاش لغاية ما جت فكرة عمرو اديب و خال
مين دول اصلا...؟؟؟ و بعدين الكلام اللي قالوا بيندكت كلام قديم مش جديد... اية خلي الناس دي كلها ما فاقتش م الغيبوبة التاريخيةاللي هي عايشه فيها غير لما اتكلم بيندكت..
و الا هو لازم كل يوم و التاني يبقي في حكابة نتلهي فيها

النهارده في الاخبار خبر لقاء شيخ الازهر طنطاوي بقيادات الكاثوليك في مصر كان مغطي علي اخبار مؤتمر الكدب الوطني ... تفتكر دي صدفة؟؟؟

19/9/06  
Blogger المزاجنجي said...

هيثم باشا تناول شيك اوي وعلى فكرة انت اخترت افضل استايلين للمذيعين التلفيزيونين اللي بيتحفلطوا ويتألوظوا قبل التسجيل او الطلوع على الهوا الاتنين بالمناسبة من المذيعين اللي بيعملوا( full make up )ولا ده ولا ده لهم لا فالدين ولا يعرفوا عنه حاجة انما هي سبوبة واي هلفطة مدام توتو وحمادة وانجي مبسوطين منهم وربنا يخلي لنا الفضائيات
وسمعنى بودعك

20/9/06  
Blogger saso said...

هـيـثـم انتوا كويسين ؟ انت ومحمد ابتديت اقلق عليكم بجد مختفيين خالص من4 أيام

20/9/06  
Blogger هيثم محفوظ said...

آدم المصرى
أنت مصدق يا آدم إن الغرب و أنظمته يجهلوا عن الإسلام كل شىء كل شىء ،من ست سنين كنت أصدق(بس واضح إن أنا جيت ع الجرح يا عم آدم)
محمد مفيد
بصراحه يا محمد أنا برده ضد موضوع الصمت المسأله لازم يبقى فيها شكل لرد فعل و لازم إحنا أنا و أنت و أبو الفتوح و ساسو وغيرنا من اللى متاح لهم ولو فرصه صغيره لتوعية اللى حواليهم سواء من اللى قاعدين معاهم فى البيت للى فى النت،لازم نقوم بدورنا لازم نوضح للناس على قد ما نقدر إحنا لغاية فين مضحوك علينا
يا مصر أكتب إليكى رسائلى
فى البدايه كده ياتبعتلى بأسمك يا تختصر إسم مدونتك :) يشرفنى إنك تبعتلى بدون سابق لينك منى ياريت تتابعنى على فكره أنا بلحن وبغنى و حاطط أغانى فى البوست السابق
saso
أنا ضد فكرة الحوار خالص اليومين دول بالذات ، حلى بما إن إحنا أمه ضعيفه و هينه يجب إستغلال الإهانات اللى من النوع ده و تحويلها لنوع من الغضب المقاوم أنا مع الحوار لو إحنا شكلا و موضوعا ند للغرب و أعتقد إن إحنا لو كده عمر الغرب ما هيوجه لينا أى إهانه
cortex
يا عم كويس قوى إن الناس بتتحرك دا إحنا ما صدقنا إن الجسد و العقل الخليجى عرف حاجه إسمها غضب أيام الدنمارك و الموضوع أصلا مش حكاية إن كل يومين يطلع حاجه الموضوع إن بعد ما كتبت البوست ده بيومين لو فيجارو أهم جرنان فرنساوى كتب فىه أحد الفلاسفه بيقولوا.وبرده كان المقال فيه إهانه للإسلام و المسلمين و شخص محمد و إستهزاء بالحج تفتكر إن الفتره الصغيره ما بين تصريحات البابا و الجرنان مجرد حكايات بتطلع علشان تلهى الشعوب العربيه
ملحوظه:تونس الدوله العربيه الوحيده اللى حجبت العدد ده تخيل بقى دى فرنسا بلد الحريات و أهم دوله أوروبيه فيها مسلمين
المزاجنجى
يا باشا شكرا على دخولك المفاجىء ليا و خصوصا إن إحنا ماكوناش نعرف بعض
الغريب إن حاطط عمرو خالد فى إطار المذيع إحنا برده مش عايزين نتفه مسيرة عمرو خالد قوى كده، ياعنى أنا ما أقدرش أقول إن عمرو خالد ورا طلوعه سبوبه! الكلام ده لو حقيقى يبقى كارثه و حاجه زفت جدا
saso
يا جميل ربنا يخليكى لينا يا شموسه إحنا كويسين جدا بس زى ماتقولى كده إتخنقنا من كتر ما دخلنا سيبرات و كمان كنا عايزين ندى فرصه لآخر بوست لمحمد و ليا إنهم ياخدوا حقهم
أنا محمد
معلش عندى دراسه و برجه دايخ بنام على طول أنتوا و حشنى قوى والله
أنا هيثم
باىباى يا شموسه

22/9/06  
Blogger Mody Rap said...

انت بتتكلم عن البابا اللي بياكل عيش علي افا اروبا اللي نست ان الاسلام هو اللي انقذهم من الجهل و التخلف اللي كانو عايشين فيه لما كان الباباوات و القساوسه سارقين قوت الشعب الاوروبي في القرون القديمه
و ما علينا بقي من العالم اللي بتسترزق من ورا الحوارات دي عشان يلحقو يطلعو بالمعلوم قبل ما الهوجه تخلص .. و الاسلام يتشتم مش مهم.. المهم كام واحد هيتابع البرنامج بتاعي !!
خلينا زي ما حنا و خليهم هما يعطو علينا كده ...

مودي راب

14/10/06  
Blogger هيثم محفوظ said...

مودى
إنت جدع قوى يا بنى و كل يوم بجد بتبسط إن أنا عرفتك
أشوفك ضرورى بعد رمضان

15/10/06  
Anonymous Anonymous said...

انتو شويه طياز مين انتو اساسا علشان تتكلمو عن ناس ممحترمه و ووطنيه و عايزين يعملو فرق مش شويه عيال بشخه واخدين وصله من النت و افتكروا نفسهم حاجه عمر خالد برقبتكو طياز

6/6/07  
Anonymous Anonymous said...

العب بعيد يا ابو شخة يا عيل بدل ماتتكلم عمال على بطال و رينا انت و امثاك من الحشرات عملوا ايه للاسلام كام واحد اسلم بسببك ولا ايه الاختراع الى فاد المسلمين اللى قدمته يا جاهل يا اللى انت و 1000 مليون زيك ما يعرفوش يصنعوا اله حاسبة

19/7/07  

Post a Comment

<< Home