تجربة أعتز بها
كنت إتكلمت قبل كده فى بوستات فاتت عن مودى راب
محمد أسامه مغنى راب من المنصورة إتعرفت بيه من حوالى 3 سنين كان هو بيعمل أغانى عرض مسرحى تبع كلية الاداب جامعة المنصورة ، وانا كنت بعمل الموسيقى التصويريه ، وبصراحه أول ماسمعت شغله ماصدقتش إن اللى عامل الاغانى دى مش دارس للموسيقى وان جودة الصوت والتسجيل معمولين فى بيت
مودى بينزل كل سنة ألبوم غتائى ...وهو مش ألبوم بمعناه التجارى .دى مجرد مجموعة أغانى بينزلها مع بعض دفعة واحدة وبيختار اسم أحد الاغانى كإسم لمجموعة الاغانى دى ، وبالفوتوشوب بيعمل بوستر
إشتركت مع مودى فى ألبومه الاخير( ألف وش ) اللى نزله من كام يوم والمشاركة دى اتبروزت فى أغنية ساب الجنينه وكتب كلماتها محمود عبد الباسط
وبالأداء الصوتى فى أعنية ألف وش
وهاسيب 3 لينكات لـ 3 أغانى من الالبوم ده وعشان تسمعوا اكتر ادخلوا على مدونته
modyrap.ektob.com
http://zebox.com/cgi-bin/artists/dl.cgi?modyrap12_-_Alf_Wesh.m3u+qp+m1http://zebox.com/cgi-bin/artists/dl.cgi?modyrap12_-_Shd_el_7zam.m3u+qp+m1
http://zebox.com/cgi-bin/artists/dl.cgi?modyrap11_-_Wra_ElGodran.m3u+qp+m1
عايز رأيكم بامانه فى التجربه دى
posted by هيثم محفوظ at 11:12 AM
7 Comments:
اغنية ساب الجنينة جميلة قوي يا هيثم وبالنسبه لاغنية الف وش ففيها احلي اه سمعتها صوتك حلو بجد وكلة دفا والتجربة حلوة ومميزة خليك محافظ علي تميزك ولونك وماتستعجلش ياما ناس وصلوا بسرعة بس في نفس الوقت اتنسوا بسرعة ربنا يوفقكم )
مبروك يا فنان دي خطوة مهمة جدا في مشوارك
اسمحلى اقول رائى بصراحة
اول اغنية اللى هى الف وش جميلة و اداءه هايل و متمكن بس فى بعض الكلمات تحس انها بتجرح الودن يعنى لما بنسمعها فى الحياة العادية بتكون بردو مش مقبولة اوى .. ممكن تتبدل بكلمات تانية بردو تكون شبابية بس اخف من دى شوية ( وقصدى هنا مش ان الكلام جارح لكن لفظه تقيل على الودن )
تانى اغنية رااااااااائعة الميكس فيها بين القديم و الجديد ممزوج بشكل حلو و الولد شاطر
تالت اغنية بصراحة يعنى بوظها الراب هى جميلة لوحدها- مينفعش اى حاجة ندخل فيها الراب - ياريت لو عندك نسخة منها بصوتك بس ترفع لنا اللينك بتعها
و اخيرا الصوت حلو و الاداء رائع فى كل الاغانى
ربنا يوفقكم
تعيش وتجرب عشان يفضل فنك دايما متجدد
:)
تجربة جديدة مع اني مش بحب الراب بس علشان خاطرك سمعت الاغاني وحبيتها
طول عمرى باحلم انى اعمل حفلة و استأذنك انى اغنى فيها ساب الجنينة
بس اتفاجئت هنا لما قريت
انا حتى ما قدرتش اسمع
ياللا
كل شئ نصيب
على فكرة
كنت ناوى افاجأك في الحفلة من يوم ما عرفت معادها
العيب يا صاحبي مش في تجربة الفريق
العيب في .........
و انت فاهم بقى
تحياتي قبل كل شيء على هذه الأعمال الأكثر من رائعه
بجد أنا مش مصدق ان الاغاني دي مش متسجله في استديو ... الألحان والآداء والصوت حلوين فعلا .. لكن اعتقد ان الكلمات محتاجه تتطور شوية عن كده .. هي طبعا كويسه .. لكن اقصد انها عاديه مافيش فيها جديد
أعدك ألا تكون الزيارة الأخيرة
مصطفى حسان
انا سمعت البوم"الف وش" من حوالي شهر ونص
بصراحه تجربتي مع الراب كانت مجرد اغنيتين ل mtm
وكنت مقتنع ان الراب هو نوع من الهزل
بس مودي اسلوبه مختلف
لما سمعت اغاني زي اسلاك شائكه/حرب اهليه/قلب مصري
عرفت ان الراجل ده بيغني لهدف و لفكره
اما ساب الجنينه ف انا بعتبرها احسن اغنيه فالالبوم
ناقص اني اقولك اني عرفت مدونتك لما كنت بعمل سرش علي كلمه "ساب الجنينه"
معلش طولت عليك..سلامي لك ولمودي
عمرو
Post a Comment
<< Home