Wednesday, August 08, 2007

على شمال السماء

كنا من المحظوظين انا والشاعر على عبد العزيز لاننا عشنا اللحظات القليلة قبل وقوع اول حادث فى مترو الانفاق بعد يومين من انتهاء مدة الادارة الفرنسية .
ومش عرف اوصفلكم الموقف ازاى .. المترو كانه كان ماشى بالزق. شوية يمشى بسرعة جدا وفجاة
يقفش فى وسط ماهو ماشى وبعدين السرعة تفضل تقل تقل لغاية مايقف خالص.
وسبحان الله كان المترو كان فاهم مايحلالوش الوقوف اللا بين المحطات واحنا طبعا تحت الارض..المهم مرة فى الثانية ولاقيت على بيقولة تعالى يا هيثم ناخها من قاصرها ونطلع فوق زى بقيت الناس احسن.
وفعلا طلعنا وخدنا ميكروباص للتحرير نقطة انطلاقنا المعتاده. بس واحنا فى الطريق وبعد محطتين مترو تقريبا لقينا جماهير غفيرة من الناس طالعين وعرفنا ان المترو وقف تماما بين محتطين وتم استدعاء زى متقولوا كده فرقة انقاذ عشان تطلع الناس من المترو بمنتهى الحذر لان بين المحطات لو حد سند على الجدار اللى جنب المترو هيتكهرب.
وقرانا ثانى يوم فى الجرائد انه ثمت حالة اختناق اثناء عملية الانقاذ.
كانت هذه الحكاية منذ عامين تقريبا ومن يومها الى الان نسمع كل فترة عن مشاكل وحوادث تتعلق بالمترو والمشاكل تختلف من تاخر مواعيد الرحلات الى الاعطال الكثيرة وكملت بالحادث الذى وقع امس الثلاثاء الموافق 7/8/2007
بان احد عربيات المترو بخط شبرا الخيمة قد خرجت عن القضبان
واضح كانت بتدور على الحرية هيا كمان !!
الى هذه الدرجة وصلنا الى اننا لا نسطيع ان ندير شيئا اوهل الا دارة عندنا هى التحقيق والتدقيق فى الظروف التى لو حدثت تجب دفع غرامة فورية مثل ما حدث معى مرتين داخل انفاق المترو مرة مع الشاعر محمد ابو الفتوح ومرة مع الشاعر والمدون ادم المصرى.
الى اى مدى وصلت حالة الاهمال والامبالاة والتى نجحت فى افساد مشروع من اهم المشاريع التى اقيمت فى مصر والذى سهل الكثير ووفر الكثير من الوقت.
تعرفوا ان مترو الانفاق ده متوسط ركابة فى اليوم 7مليون نسمة يعنى قد عدد سكان ليبيا .
على العموم حسبى الله ونعم الوكيل .
على فكرة فى 4 اغانى من حفلتنا اللى كانت فى ساقية عبد المنعم الصاوى فى شهر 6 اللى فات على موقع www.youtube.com واعملوا search على صبا
الاربع اغانى هما
رمى السلام كلمات محمد ابو الفتوح
حلم الناس كلمات امجد القهوجى
لازم اعيش كلمات محمد ابو الفتوح
شط بحور كلمات بهاء جاهين
وشارك فى الغناء على الالفى. وهو على فكرة صاحب مدونة تفاصيل
والالحان هيثم محفوظ.. العبد لله
والتوزيع الموسيقى لخالد يوسف وباقى اعضاء الفرقة
عايز رايكم وتعليقاتكم
اه.. قبل منسى
ودى المدونة الثانية وهى كلها مزيكا وقريب خالص هحط فيها حاجات جديدة

8 Comments:

Blogger شريف صلاح الدين said...

واحشنى جدا يا هيثم انا شريف صلاح الدين وان شاء الله نتقابل ف اقرب فرصه انا حاطط لينك لمدونتى عند اخر البحر نور و فيها لينكات توصلك لمدونات تانيه اتمنى ف اقرب فرصه نتقابل يا فنان يا جميل
شريف صلاح الدين
http://sherifsalah.blogspot.com

10/8/07  
Blogger saso said...

انا مديونة للمترو مره واحدة
كان امتحان في الكلية ورحت وخري واكيد محدش هيسمحلي احضر
قلت اجرب مش خسرانة حاجة، لقيت ناس بتهديني وكوباية مياة وحاجات ظريفة جدا
كان المترو عطلان والناس بتعيط واغماءات وحاجات تخوف

المهم
المترو كشروع كان هيبقي ناجح لو مسكتة ادارة قوية بجد
والاعداد تخف عليه شوية ..دة مش اوتوبيس يمشي مايل علي عجلتين من كتر الناس بس احنا مصرين نعامل كل حاجة بمفهوم الطاقة القصوي
بعض الحاجات تستحمل وبعضها لا

17/8/07  
Blogger هيثم محفوظ said...

شريف صلاح مبسوط قوى انك زورتنى وطبعا هكون من الدائمين عندك وشكرا على الكلام الجميل اللى انتا قولته.
ساسوووووووووووووووووو..اخيرا اسمك رجع ينور التعليقات فى المدونة .
طبعا زى منتى عارفة المصريين بيتعاملوا مع كل شىء بحب وبعشق وبعشم وبيحبوا الراحة ومش مشكلة هتجلهم ازاى وفعلا زى مقولتى المترو كان ممكن يبقى مشروع كويس بس زى متقولى مصر مش وش ذلك ..متغيبيش تانى

18/8/07  
Blogger عـمـرو قـطامـش said...

شاركنا فى المدونة الجديدة (فى العتمة) الفكرة هى تحويل هذه المدونه لديوان شعر خاص بكل الشعراء المدونين الجادين فعلى القادرين على صياغة معنى جديد باسلوب راقى يساعد على تصفية الكم الهائل من مراهقى الكلمة... الدعوة مفتوحة و رجاء اضافة لينك لهذة المدونه فى مدونتك الخاصة

18/8/07  
Blogger tar7elba7r said...

شغلك حلو اوى يا هيصم

21/8/07  
Blogger tar7elba7r said...

اسف
يا هيثم

21/8/07  
Blogger يا مصر اكتب إليكي رسائلي said...

يسرني ان اتقدم بخالص التهاني وأطيب التمنيات
لكم والأسرة الكريمة والأصدقاء
بمناسبة حلول شهر رمضان المبارك ،
أعاده الله علينا وعليكم وعلى مصرنا الحبيبة
بالخير واليمن والبركات
تقبل الله وكل عام وانتم بخير

5/9/07  
Blogger هيثم محفوظ said...

يا قطموش حلو قوى الفكرة دى واحلى حاجه فيها هو تحويل التدوين لهدف محترم بجد مش مجرد خرط كلام.
زى ما انت عارف انا عمل مدونة ثانية ودى مخصصة للموسيقى والغنى بس وحاولت اعمل فيها زى مكتبة موسيقية كاملة وادعيلى اقدر اكمل المشوار ده.
طرح البحر على فكرة انا معرفكش ومش عارف اسف على اية بس شكرا على التواجد وهجيلك عشان اعرفك اكتر

9/9/07  

Post a Comment

<< Home