Friday, October 03, 2008

رجوع

السطور دى بكتبها وأنا أسمع سى دى بعنوان وميض لكاميليا جبرانز
وبرغم ان السي دى جميل جدا الا أنه لا يخلوا من الغربة
الغربة :يمكن هى السبب الأساسى فى بعدى عن التدوين الفترة اللى فاتت,كانت الأحداث سريعة جدا وكثيرة جدا لدرجة أنى مكنتش لاحق أكتب أى تعليق عنها بداية من المحلة الكبرى لغاية الدويقة ,سلسلة من الأحداث اللى لو عكست فهتعكس كل الأحباط والظلم أللى بيتعرض ليه الشعب المصرى من زمان .
وعلى سبيل المثال تخيل يا أخى ان اللى حصل فى الدويقة ده حصل قبل ذلك عام 1993 ولم يتحرك ساكن للحكومة وقتها ..
الكلام شكله قديم ومعاد بس مفيش فى أيدى حاجة تانية غير كده.
تخيا حكومتنا مش قادره تحافظ على المبانى الأثرية اللى فى بلدنا راح المهندس خانة وراح جزء من مبنى المسرح القومى للدرجة دى الاهمال والا مبالاه وصلت بينا للدرجة دى
المشكلة فى الحكاية دى أنه بيعيد لتانى وثالث مرة اللى حصل منذ بضعة سنين فى قصر ثقافة بنى سويف .
الأرواح رخصت وكيلو العدس ب 15 جنية
خلينى أحكيلك عن الفترة اللى فاتت عملت فيها أيه :
حفلة الساقية اللى كانت فى شهر يونيو فى قاعة الكلمة والحمد لله حضرها عدد لا بأس به من الناس وعلى غرار نجاحها عملت لقاء فى برنامج على الهوا الذى يقدمه جمال عنايد على قناة الصفوة لمدة ساعة وكان معايا فى اللقاء ده الصحفى كمال عرفه وهو صحفى فى جريدة الدستور والكرامة
حفلة الساقية أغسطس اللى فات كانت فى قاعة النهر وصاحبنى فيها عمرو حمدى كان بيلعب رق وبصراحة عمل شغل جامد فيها
وبعدين عملت ثلاثة حفلات فى رمضان فى ليالى المحروسة التى تقام فى رمضان من كل عام وآخر الحفلات كانت فى آخر يوم أحد فى رمضان وكانت فى مكتبة البلد
ملحوظة : لو عايز تشوف أجزاء من الحفلات دى أدخل على youtube.com وأعمل سيرش بالعربى على هيثم محفوظ

9 Comments:

Blogger ادم المصري said...

سرعه الاحداث وتلاحقها كان عبئا علي من كان يريد التعليق
.
.
ما بالك بمن غرس فيها وفرض عليه ان يتحرك معها فلا هو قادر علي رؤية المحيط من حولة ولا هو قادر علي ان يتكلم في شيء
.
.
وكأن ما يراه فقط هو ما يراه الثور المكبل في ساقية لا يعي في حياته الا طريقا واحدا مملا لا يتغير ،، هو محيط دوران هذه الساقية
.
.
ولهذا فعليك ان لا تتكدر كثيرا فانت احسن حالا من غيرك وان كنت لا تشعر
.
.
صديقي
اعلم جيدا مقدار التقصير الذي تسببت فيه في حق صداقتنا ولكني اعلم انك ايضا مسامح متسامح
.
.
تحياتي اليك والسلام

6/10/08  
Anonymous Anonymous said...

بتتكلم فى اوجاع ماحدش يقدر ينساها وسايبه جوانا تساؤلات
ياترى هايحصل ايه بعد كده
والدور على ايه تانى يروح مننا
بالنسبه للحفلات انا نفسي اعرف كل ده بتعمله امتى
انا نفسي احضرلك حفله بجد
انت عندك اكاونت على الفيس بوك؟
سجلنى عندك وابعتلى اول باول
ويشرفنى انك تحضر حفلتى انا كمان فى الساقيه يوم التلات الجاى
الساعه 8 قاعة الحكمه

8/10/08  
Anonymous هبة said...

تفتكر هناك احد بيفكر في الانسان وبيهتم بية دة ابسط حاجة والتي تعتبر بديهية هي روح الانسان اللي مفيش احد بيتحرك علشان يحميها وبعد ما توقع الكارثة والمصيبة يتكلموا دقائق ويقولوا العمارة اللي وقعت مثلا كان طالع لها قرار ازالة من كام سنة لكن فين اللي راعي ضميرة واهتم بارواح الناس ،الانسان بقي ارخص شئ ولو اية حتي جرالوا ولا حد هيحس بية.....واهو كلة بيعدي لحد متحصل كارثة جديدة غرق عبارة - عمارة وقعت -قطار اتقلب - مبني اتحرق - انهيار كالذي حدث في الدويقة ساعتها يفتكروا اللي حصل قبل كدة تحت اسم حدث في مثل هذا اليوم

10/10/08  
Blogger إبـراهيم ... معـايــا said...

أنا سعيد (شخصيًا) بهذا الاكتشاف يا هيثم ، والوصول إلى مدونتك الخـاصة ....

إنتا حـــد رااائع بجد

خالص تحياتي

10/10/08  
Blogger هيثم محفوظ said...

آدم
بالنسبة للأحساسك بأنك أرتكبت حاجة فى حق صداقتنا فأحب أقولك ان ده محصلش
أنا كنت مدرك شوية الظروف اللى مرت بيك المرة اللى فاتت
بس عاوزك توعدنى انك تحضر حفلتى يوم الأربعاء 5\11 بقاعة الكلمة فى الساقية طبعا.
وينكى
أنا عرف أنك عندك حفلة للأنى قرأت تعليقك قبل ما أرد بكام يوم
ربنا يسهل وأقدر أحضر الحفلة
بالنسبة للأكونت بتاع الفيس بوك فهو
haithammahfoz@yahoo.com
ابراهيم
بجد واضح أنك شخص محترم وهدخل مدونتك عشان أعرفك أكتر وشكرا على المشاركة .
هبة
أسعيد جدا بالكلام اللى كتبتيه فى تعليقك وبرجاء مزيد من المتابعة والتفاعل.

13/10/08  
Blogger darsh said...

لقيت مدونتك بالصدفة وفرحت جدا وفرحت أكتر اني دخلت هنا قبل كده كتير..

وانت فعلا حد مجتهد وتستاهل كل خير وأغانيك مميزة ومختلفة وتستحق التقدير
وبعدين لما يكون بيكتب لك حد زي على عبد العزيز يبقي الكلمات كمان مميزة .. ونادر لما التلات عناصر بيجتمعوا مع بعض بنفس الكفاءة .. الصوت واللحن والكلمة

تحياتي

مصطفى حسان

14/10/08  
Blogger darsh said...

This comment has been removed by the author.

14/10/08  
Blogger هيثم محفوظ said...

اشكرك يا جميل على الكلام الجميل اللى انت قلته ، وانا فرحت اكتر لمشاركتك وبالنسبة لعلى عبدالعزيز قبل مايكون شاعر مميز وصاحب موقف فأنا باعتبره استاذى بجد
علمنى حاجات كتير ، كفاية انه علمنى ازاى يكون لى موقف محدد لكل شئ ولوان دة صعب جدا فى الزمن اللى احنا فيه
وفى النهاية شكرا على المشاركة

17/10/08  
Blogger mahmoud elsayed said...



شركة مكافحة حشرات بالدمام
شركة مكافحة النمل الابيض بالدمام
شركة مكافحة الحمام بالدمام والخبر
شركة مكافحة حشرات بالقطيف
شركة مكافحة النمل الابيض بالقطيف
شركة مكافحة حشرات بالجبيل
شركة مكافحة النمل الابيض بالجبيل
شركة مكافحة حشرات بالخبر
شركة مكافحة حشرات بالاحساء
شركة مكافحة حشرات بالرياض


23/12/17  

Post a Comment

<< Home