Saturday, September 30, 2006

ذكرى


أمس الموافق 29/9/2006 مرة علينا الذكرى السادسة و الثلاثون على رحيل جمال عبد الناصر و منذ أن نويت أن أكتب فى هذا الموضوع و حتى كتابة هذه السطور لم أكن قد حددت أى المداخل سأبدأ به كلامى و أى النقاط سأتحدث عنها فقررت أن أتركها للتساهيل فى لحظة الكتابه و سأحاول مراعاة الحياديه قدر المستطاع
بداية ما قام به ناصر و تنظيم الظباط الأحرار إسمه العلمى إنقلاب و ليس ثوره فالثوره لابد من مشاركة الجماهير بشكل فعال فيها و لابد أن يكونوا هم السبب و المفكر و المحرك أما فى إنقلابات الجيوش فعادة ما تكون رد فعل مجموعه من ضباط الجيش تجاه أحداث معينه أو تجاه نظام حكم و هذا ما كان فتحرك ناصر و من معه كان ضد وجود الإنجليز و الحاشيه الموجوده حول الملك فقط و ليست ضد الملك و لكن ما حدث أن بعد قيام تلك المجموعه بالعمليه إنقلبت اللعبه السياسيه تماما و الموازين داخل القصر و كان هذا بسبب الوضع المزرى الموضوع فيه الملك فاروق فكانت الضغوط عليه تنهال من كل جانب من الإنجليز تاره و من الوفديين تارة أخرى و فى ثلاثة أيام رحل الملك فاروق و وجد تنظيم الضباط الأحرار نفسه مسؤلا عن بلد و حكم دون تجهيز مسبق أو إعداد لفلسفه أو حتى نظره مستقبليه للمشوار المصرى فى السنوات التاليه و هنا بدأ دور هيكل مع اللواء محمد نجيب و جمال عبد الناصر فى وضع رؤيه عامه و هو ما عُرف بعد ذلك ب (فلسفة الثوره) و فى رأى أن تلك الفلسفه هى التى جعلت تنظيم الضباط الأحرار ينقلب على اللواء محمد نجيب و يرفض وجوده و هذا لأن اللواء نجيب أراد التعويل مرة ثانيه على بعض رموز العهد البائد فى بعض الأمور السياسيه
ناصر لم يكن صاحب فكرة القوميه العربيه بل بدأت عند مجموعه أسمها القوميين العرب تواجدت فى سوريا فى ثلاثينات القرن العشرين و حتى قانون الإصلاح الزراعى و السد العالى ليسوا من بنات أفكار ناصر الغريب و المهم أن ناصر إستطاع أن يجعل من تلك الأفكار الموجوده فى الكتب و على الألسنه حياه لها ملامح و أتوجه الأن بكلامى إلى الرافضين لأنية تنفيذ قانون الإصلاح الزراعى للأنه جاء بالظلم على بعض الأثرياء الذين لم يكن لهم ذنب فى الإستيلاء على هذه الأرض على حد زعمهم و أقول أن كل الأراضى التى إستُردت عن طريق هذا القانون قد أهداها محمد على إلى أثرياء عصره أجداد أثرياء عصر عبد الناصر
فى إعتقادى أن ما قام به عبد الناصر فى خلال ثمانية عشر عاما هى فترة حكمه يستحق النظره الفاحصه على المستوى السياسى و العسكرى و الإقتصادى أعتقد أن جميعنا شعر بأهمية القطاع العام بعد بيع الكثير منه و مدى أهمية تأميم قناة السويس بعد بيع الشركات الصغيره و التى كانت تختص بصيانة مجرى القناه و تشغيل بعض المهندسين ، فى عهد عبد الناصر وجدت الطائرات الحربيه الصناعه المصريه و كانت طرازها )جمهوريه( و رأينا أشياء كثيره من الصناعه المصريه أما من الناحيه العسكريه جميعنا يعلم أن إنتصار مصر على العدوان الثلاثى سنة 56 لم يعد كله للتدخل الأمريكى و إعطائها أوامر لإنجلترا و فرنسا بوقف العدوان ، الإنتصار الأكبر كان عن طريق الناس العديين فى بورسعيد و تحويل الحرب إلى حرب شعبيه عسكريه من الدرجه الأولى و فى إعتقادى أن هنا بلوره جيده للعلاقه بين عبد الناصر و الجماهير ، تحويل فكرة القوميه العربيه إلى فكره إستراتيجيه و سياسيه بدلا منت أنت تكون فكره عرقيه عنصريه ساعد على سرعة القيام ببعض تجارب حيه للوحده العربيه سواء بين مصر و سوريا أو مصر و ليبيا و السودان و اليمن
بعد يونيو 67 بدأ ناصر فى إعادة تدريب الجيش المصرى و بداية ما يسمى بحرب الإستنزاف بالمناسبه السبب الأساسى فى النكسه هى محاوله أخرى لإنقلاب أخر كان يريد القيام به المشير عبد الحكيم عامر
أعتقد أن من الأخطاء التى وقع فيها عبد الناصر إطلاق يد العنان لبعض النماذج الفاسده من مجلس قيادة الثوره مما أدى إلى وة جدود أبشع صور التعذيب و الإنتهاكات الأدميه داخل معتقلات ناصر
الثابت أن أبشع معتقلات عاصرتها مصر معتقلات ناصر
و أحب الحكام المصريين إلى العرب ناصر
و الثابت أن من كرهوا ناصر بمجمله لم ينفوا عنه صفة الوطنيه بأى حال من الأحوال فبالفعل تجربة ناصر خلقت منه رمز حقيقيا للشعور الحار بالكرامه و العزه التى إفتقدناها كثيرا منذ وفاته هذا ما يجعل صورة ناصر بجانب صور لحسن نصر الله و الشيخ أحمد ياسين و حتى صدام حسين بعد سقوط بغداد
نحن لسنا فى حاجه أن يعود عبد الناصر مرة أخرى مثل ما يقول سازجى التيار الناصرى نحن نريد خلق روح ثوريه غاضبه تعرف حقوقها و مستفيده من تجربة ناصر و كل التجارب المشرفه فى حياتنا فأنا بصراحه برغم عشقى و ولعى بناصر فأنا أرفض تماما الرهان على الصدفه التى ربما تأتى بناصر جديد

13 Comments:

Blogger أبو أمل said...

كل سنة وانت طيب
تحياتى

30/9/06  
Blogger saso said...

مشكلتنا كلنا مع ناصر ،، لاي الجانبين نميل زمان لما ابتديت اقرا عن الفترة دي كنت مش شايفه غير عدوان ثلاثي ودخول مستمر في مناوشات وحروب بلا ناقة ولا جمل ، ومأساه محمد نجيب وفساد صلاح نصر وزيف اعلام صوت العرب واكاذيب احمد سعيد
بس بعدها وصلت لرأيك نفسه الرجل له اخطاؤه لكن لولاه لما سمعت لنا كلمه
انا مع الاصلاح الزراعي لكن التطبيق لم يكن عادل.. في حالات كثيرة كان استبدال لعطايا الوالي بعطايا الضباط لذويهم،، وتفتيت الملكيه، لكنة كان واجب التطبيق واعلاميا شرح كويس وحمس الناس له

ناصر و اعلامه ووتر القومية والزعامه عند المصريين وحركات التحرر في القارة كلها في الستينيات ومسانده السوفييت ليها خلت آراء ناصر تتحول الي رأي عام فور النطق بها وقراراته الفرديه تعبر عن رأي الشعب كله فور اتخاذها
وانجراف كامل لفكر الثورة، الغريب ان الموقف نفسة بعد سنوات اصبح متخذ من ابناء المؤممين ذاتهم فالجيل الثاني هرب من مساحة اللامنتمي الي مساحة المتسلل للثورة علي حد تعبير محفوظ اللي هوا اصدق واحلي ما كتب

عاجبني انك كتبت ما له وما عليه
آةة حاول تقرا اللي انت كاتبه وشوف هيحصل ايه لعينيك :)

30/9/06  
Blogger مـحـمـد مـفـيـد said...

عزيزي هيثم
رائع جدا انك تذكرت ذكري هذا الرجل الرائع والذي غفل عن كثير منا وانا اولهم التنويه عن ذلك
بص يا عم عبد الناصر احد قلاع الرئاسه والمدارس التي لا يستطيع التاريخ اغفالها ولكل رئيس دوله ما له وما عليه
ورائع انك تذكر الجانب الجيد والجانب السيئ بديل اننا حتي الان لم نستطيع ان ننسي عبد الناصر لان من جاء بعد ليس السادات لاني مع السادات ايضا بل عمو مبارك لم يستطيع ان ينسينا ذلك
وما عمله عبد الناصر جاء الرئيس الحالي بجره قلم صغير ومحي كل هذه الانجازات من خصخصه و...........

1/10/06  
Blogger Gbalawy said...

هيثومه
انت بلدياتى ياراجل

بلوج جميل والخط يزغلل اجدع عين بس مش مهم ((:
انا فى الموضوع ده ليا حسابات غريبه

بقول ديما فى عندنا بيانات داخله وبيانات خارجه

الرئيس جمال عبد الناصر

استلم مصر كلها بشعبها بارض طيبه يتبنى عليها وتتخضر
سلمها فى حاله انهيار تام وحرب وبدون سيناء وكسب حب العرب كلهم

السادات

استلمها فى حرب وخراب وبدون سيناء
سلمها خالصه مخلصه ومعاها كراهيه كل العرب لمصر

مبارك

استلمها زى الفل وبدايه حلوه
دلؤتى مظبط كل العالم والعلاقات ومضيع شعبه


تحياتى

4/10/06  
Blogger هيثم محفوظ said...

أبو أمل
و انت طيب يا عم .. إنت فين؟
saso
بالظبط كده يا ساسو أنا فعلا فى كلامى عن ناصر ما كنتش أقصد بيه إنى اخليه لا إله و لا ساقى الشعب مية المحياه بل الأكتر من كده إنى ساعات بحس إن ناصر هو النموزج العادى لأى حاكم و كلامك عن إعلام ناصر كلام محترم جدا بالفعل إعلام عبد الناصر كان شغال بأسلوب رد الفعل و التدشين لنظام ، اللى نجدنا بس إكمن نظام ناصر قايم على فكره محترمه فده خلا الإعلام يسمح بحاجات كتييير محترمه
يعنى برده المسأله قايمه على صدفة إحترام نظام ناصر
يابنتى الخط مش صغير قوى كده أنا بكتب بالبنط ده على طول
باى باى يا شموسه
محمد مفيد
إنت إزاى بتقول كده عن عبد الناصر و فنفس الوقت مع السادات
(أجب .. أفصح أبن)
إدى للواد الأدويه فى مواعيدها و سلملى عليه
gabalawy
وجهة نظر برده بس معلش عبد الناصر ماسابش البلد منهاره قوى بعد أحداث يونيه 67 الدخل القومى نقص فى مصر بمقدار خمسه فى الميه على وفاة ناصر 70 رجع تانى زاد تلاته فى الميه
ده وقت حرب إنت مش شايف إن ده له إنعكاس إجتماعى محترم يحسب لعبد الناصر

5/10/06  
Blogger مـحـمـد مـفـيـد said...

ليس كل مع عبد الناصر يكون ضد السادات
انا مع الاتنين وبحبهم جدا وكل واحد له مزايا وعيوبه
انما مبارك فانا لا احبه ولا اطيقه

5/10/06  
Blogger يا مصر اكتب إليكي رسائلي said...

طيب يعني في الأخر عرفت اهووو مين هيثم محفوظ .. والصبا اسم جميل جداااااااااا بيخليني أقول ما خطرتش على بالك يوم . براسته .. يمكن ؟
وليا الشرف اني اعرفك ولو على المدونة واستغل انها يعني ((مدونتى لينك بين ودنك و المزيكا و بين قلبك و كلامى)) دا كلام رقيق زي تأملات الحفناوي في علية الكمان قبل ما يعزف .. ولما ينقر عليها الاول ويتصنت على صوتها ... عشان يجر القوس على اوتار القلب ... قبل ما يقول : انساك ؟
لا تحرمني من أن اكون صديق ..
أما التعليق على ناصر ... فأكتفي بما قالته الأخت العزيزة العزيزة العزيزة ساسو ... وبقية الحبايب اللي هنا ..

9/10/06  
Blogger يا مصر اكتب إليكي رسائلي said...

اخي العزيز انا كنت معتقد ان دي اول مره ازورك .. لأني في الزيارة الأولى كنت في موود غير الموود الحالي عشان كدااا مش انتبهت للتوصية في الرد على اول تعليق ليا بخصوص اسم المدونة يعني .. هممممم اعمل الكلام دااا ازاي تحقيقا لرغبتك يعني ... همممم؟ بس عموما تقدر تسميني صاحب رسايل مصر ... او أي حاجه تختارها انت .. ولك كل التفويض وراضي انا من الاول ولا تخاف هههههه .. سميني اي حاجه حتى.

9/10/06  
Blogger هيثم محفوظ said...

محمد مفيد
أيوه يا عم مفيد بس عيوب السادات تتنافى تماما مع مزايا و عيوب ناصر يكفى السادات من كوارث كامب ديفيد و إرجع لشروط المعاهده و إنت تعرف كارثه ليه
يا مصر أرسل إليكى رسائلى
و الله برغم إن الإسم طويل بس معبر و أنا و الله سعيد بمعرفتك برغم إنى ما زرتكش فى المدونه لغاية دلوقتى
متشكر قوى ع الكلام الرقيق اللى قلته عليه، أكيد قريت إعلانات الحفلات ، ياريت لو تجينى يوم 19 أو 20

9/10/06  
Blogger المزاجنجي said...

هيثم بجد انت توهتني كلامك عقلاني جدا وحيادي جدا جدا والقصة هنا والسؤال المُلح انك انت فعلا فنان في كله في الغناء وفي ابداء الاراء تحياتي وجاي الحفلة ان شاء الله

12/10/06  
Blogger المزاجنجي said...

This comment has been removed by a blog administrator.

12/10/06  
Blogger sahar said...

حبيت أمسي
صوتك رائع ياهيثم وعزفك كمان
افتخر بمعرفتي بك

13/10/06  
Blogger هيثم محفوظ said...

المزاجنجى
متشكرين يا باشا على الكلام الحلو ده بس الحكايه مش توهه و لا حاجه إختار
على فكره ماشوفتكش فى الحفله
سحر
يا سحوره أنا اللى إتشرفت بزيارتك و رأيك الجميل ده

15/10/06  

Post a Comment

<< Home