Monday, February 12, 2007

تخاريف شتويه


(1)
قطة جائعه تسير رويدا رويدا تحت مقاعد أحد مقاهى وسط المدينه مُحدقة فى الحكايات المتناثرة على كراسيها و متسمعة للملامح
و الحكاية الجائعه إستطاعت أن تمتلك مكانا رغم أنف الحكايات ، إستطاعت أن تأخذه قسرا بين حكايتين
أخذت القطة الجائعه تنظر ذات اليمين و ذات اليسار متأملة ما حولها من نتوئات أسمنتية قديمه على البلاط القديم و بؤر المياه الراكده و القمامة المتناثره كأشلاء خريطه ثم تخيَّرت أحد الهضاب و جلست بين حكايتين.
(2)
القمر أبو شعر شايب و كام خُصله م السواد فات الحيارى السهرانين و رسم للخطاوى دليل و ع الهرم دمعه و ف كفوف السما قناديل و رسم أهله على وشوش العباد .. القمر أبو شعر شايب دايب ف كام خصله م السواد
(3)
أريد إرسال خطاب لمجلس الشعب لصنع قانون يلزم الحكومه بدفع خمسين جنيه لكل عاطل مع كل هدف يحرزه النادى الأهلى

9 Comments:

Blogger tona said...

ايه يا عم هيثم اجمال دا
انت فعلا بتكتب حلو مش بتغني حلو وبس


كل سنه وانت طيب .. اصل النهارده عيد الحب

14/2/07  
Blogger أبو أمل said...

بطالة
هو فيه حد بطال اليومين دول ما الأشيا معدن
واللى مش لاقى شغل
ممكن يروح يسقف مع طنط هالة سرحان
وياخد خمسين جنية
ويطلع عل التى فيه

تحياتى

15/2/07  
Blogger ادم المصري said...

القطة دي باشوف فيها واحد قريب مني قوي


هه

تسلم ايدك يا فنان

19/2/07  
Blogger saso said...

الأولي احلاهم عندي
قطة تلتهم الحكايا
:)

20/2/07  
Blogger هيثم محفوظ said...

للجميع
عارف يا آدم القطه دى شبه كل صحابنا القريبين بس أنا بعرف أخرف فى الشتا؟
قطة تلتهم الحكايا .. إيه الجمال ده يا ضافى؟ و انا عارف كويس إنك عاتقولى الأولى أحلاهم لأنى عارفك إنتى و القطط واحد
تونه كان لازم أخليكى تعلقى عندى عشان مش عارف أوصلك من عند آدم
أبو أمل تفتكر إن مافيش حد بطال و لا حاجه .. على فكره أبو الفتوح دحك عليه و كتب رقم تليفونه فى تعليقى عندك و رقم تليفونى 0108737173

21/2/07  
Anonymous Abd El Rahman said...

القمر أبو شعر شايب و كام خُصله م السواد فات الحيارى السهرانين و رسم للخطاوى دليل و ع الهرم دمعه و ف كفوف السما قناديل و رسم أهله على وشوش العباد .. القمر أبو شعر شايب دايب ف كام خصله م السواد

جامدة ..وربنا جامدة :(

22/2/07  
Anonymous Anonymous said...

اولا احب اسجل اعجابى الشديد جدا بأجتهادك ف الغنى والكتابة بجد فنان والفنان مبيتجزأش ابدا يعنى اللى بيغنى يقدر يكتب ويقدر يكتب شعر رقيق جدا ، تحياتى لحضرتك واتمنى فى خلال الشهور القادمة ان اسمع اسمك يضوى به فى سماء الفن والغناء

وعلى فكرة ..... انا شاعرة مصرية معتمد لى ديوان من مائة صفحة وعلى استعداد ان بقصيدة عامية كل من قرأها يعتقد اننى كتبتها لأجله ، انتظر منك الرد ان اردت ان اتنازل عنها وانا بكل ثقة لا غرور اعلم انها ستحوز اعجابك


وفاء فاضل

22/2/07  
Blogger هيثم محفوظ said...

عبد الرحمان
متشكرين يا جميل ، أنا مش عارف إنت أول مره تزورنى و لا جيتلى قبل كده بس ع العموم يا رب أكون كسبت صاحب
وفاء فاضل
على فكره يا وفاء إنتى إسمك مش غريب عليه ، على العموم الحكايه مش حكاية الفنان ما بيتجزأش ، الموضوع كله إن الواحد بيركز فى اللى حواليه شويه زياده
بالنسبه للقصيده ممكن تبعتيهالى على الإيميل و هتلاقى عنوانه على البروفيل فى المدونه و أتشرف بسماع صوتك ، تليفونى هاتلاقيه فى تعليقى على بقية الناس فى نفس البوست

24/2/07  
Anonymous Abd El Rahman said...

كانت أول مرة ودي التانية :)

25/2/07  

Post a Comment

<< Home