دخول الجنه بورق موثق
متعود أنا و أبويا و اخويا ننزل نصلى الجمعه سوا على أساس إن ده اليوم الوحيد اللى بنتجمع فيه و كمان إحنا متعودين على كده من صغرنا ، كل جمعه بيكون فى الجامع اللى بنصلى فيه الشيخ جمال و هو راجل من أكتر الناس اللى كلامهم فيه جزء كبير من المنطقيه برغم إنه فى أوقات بيبقى كلامه فيه شوية (طيابه) ، الجمعه اللى فاتتماجاش الشيخ جمال و لاقينا حاجه غريبه تانيه على المنبر ، لسه شاب واضح إنه أزهرى و كان موضوع الخطبه كلام معاد عن علاقة الرجل بالمرأه على جميع مستوى العلاقه و فجأه و مش عارف إزاى لقيته بيروى حديث فى منتهى الغرابه اللى فى الدنيا
(قال رسول الله صلى الله عليه و سلم ستنقسم اليهود إلى إحدى و سبعون فرقه واحده فى الجنه و سبعون فى النار و ستنقسم النصارى الى ثنتين و سبعون فرقه واحده فى الجنه و واحدة و سبعون فى النار و قيل و نحن يا رسول الله قال و الذى نفس محمد بيده لتنقسمن أمتى إلى ثلاث و سبعين فرقه واحده فى الجنه و ثنتين و سبعون فى النار و سئل الرسول و ما هى هذه الفرقه قال أهل السنه و الكتاب و الجماعه)
و هذا حسب رواية عم الشيخ
و بعد كده أشار عم الشيخ و قال الفرقه دى هى اللى معروفه النهارده بإسم أهل السنه و الجماعه فتأكدت أننى و فى هذا الموقف ذاهب إلى النار ، المشكله إنى مانضمتش لجماعة أهل السنه و الجماعه و سجلت عضويتى فى الشهر العقارى و ختمتها عشان أخش الجنه ، الأزمه إن كان تانى يوم السبت و الشهر العقارى قافل .
يا جماعه الراجل ده أشار فى كذا موضع فى الخطبه إنه أزهرى يا جماعه أنصار السنه بقم فى الأزهر كمان و الناس لغاية فين ممكن تصدق الكلام و لغاية إمتى هاتبقى هيا دى النماذج اللى قدامنا من رجال الدين ، على فكره دى أول مره أخرج من الجامع و اشتم و حسبى الله و نعم الوكيل
(قال رسول الله صلى الله عليه و سلم ستنقسم اليهود إلى إحدى و سبعون فرقه واحده فى الجنه و سبعون فى النار و ستنقسم النصارى الى ثنتين و سبعون فرقه واحده فى الجنه و واحدة و سبعون فى النار و قيل و نحن يا رسول الله قال و الذى نفس محمد بيده لتنقسمن أمتى إلى ثلاث و سبعين فرقه واحده فى الجنه و ثنتين و سبعون فى النار و سئل الرسول و ما هى هذه الفرقه قال أهل السنه و الكتاب و الجماعه)
و هذا حسب رواية عم الشيخ
و بعد كده أشار عم الشيخ و قال الفرقه دى هى اللى معروفه النهارده بإسم أهل السنه و الجماعه فتأكدت أننى و فى هذا الموقف ذاهب إلى النار ، المشكله إنى مانضمتش لجماعة أهل السنه و الجماعه و سجلت عضويتى فى الشهر العقارى و ختمتها عشان أخش الجنه ، الأزمه إن كان تانى يوم السبت و الشهر العقارى قافل .
يا جماعه الراجل ده أشار فى كذا موضع فى الخطبه إنه أزهرى يا جماعه أنصار السنه بقم فى الأزهر كمان و الناس لغاية فين ممكن تصدق الكلام و لغاية إمتى هاتبقى هيا دى النماذج اللى قدامنا من رجال الدين ، على فكره دى أول مره أخرج من الجامع و اشتم و حسبى الله و نعم الوكيل
posted by هيثم محفوظ at 9:14 AM
8 Comments:
حبيبي
ليس كل م نصعد علي المنبر له القدره علي الخطابه
فقد تكلمت في بوست سابق عن الافتاء
وانما بالنسبه للازهر
فاعاقد انه ما تبقي نته هو الاسم فقط
صكوك غفران
اهلا ...بلاش تقرن الازهرية بالاعتدل والعلم ما اللي ربنا يحمية"كريم عامر" أزهري وكان فاضلة شوية وقت ويبقي من اهل العلم وموضع استفهام.. المهم التفكير
بغض النظر عن سند الحديث علشان معرفتش اوصل ليه -ومدورتش بضمير اوي يعني-قصر الجنة علي فئة بعينها مش بيفكرك باعلانات التعيين بتاعة وزارة التجارة وهيئات التدريس؟.. متفصلة فئة واحدة تدخل الجنة طيب ليه قصرت الفئة بينما احادئث عدة عمن فعل كذا أو كذا دخل الجنة..ولم يشترط فيها ان يكون من جماعة معينة
ماحنا أهل للسنة بس مش لازم اسلم لجماعة معينة لأُمنح صك الغفران
هتلقيهـنــا خطبة رهيبة لمحمد حسين يعقوب-انت مبتصليش لييييييييييية-عند ليوناردو فيها كلام بجد يشكك في ان التعليم المصري الازهري والعادي مؤامرة علي المصريين
ههههههههههههه
انا بقي يا حبي عادة ما بخرج من الجامع باسب ميت دين وميت ملة
هههههههههه
معلشي معلشي تعيش وتاخد غيرها
الرد للجمييييييييييع
شوفوا بقى يا جماعه أنا مش رابط الأزهر بالنبوغ وعدمه لأى شيخ أنا رابط الأزهر بالتيار الوسطى فى الإسلام و اللى كان بيقوده الأزهر كوجهة نظر و أعتقد لغاية فتره قريبه فلما ألاقى إن الأشكال الغربه اللى زى حسين يعقوب و غيره خرجيين أزهر يعنى جماعة أنصار السنه بقت فى الأزهر ده حاجه تقرف جدا يعنى و تخض و اللى خوفنى أكتر الناس اللى حواليه فى الجامع يا ترى مصدقين و لا مش واخدين بالهم أصلا
اسمع رأي الناس العادية اللي زيي وزيك في مهزلة الإخوان واستعراض الأزهر وانت تعرف
ببساطة ..احنا متعصبين
معندناش اساسا الوسطية والاعتدال اللي بتتكلم عنهم.. أغلب الاصوات كانت مساندة لعصبية الاخوان والدليل الانتخابات طبعا، اغلب الناس من زمان كانت سعيدة بطول لسان الشيخ كشك ..يمكن الوسطية اللي بجد مبتعجبش
جرب تطرح اسم يعقوب للنقاش وانت تعرف ان قلة النقاش بقت احسن
رغم ان الظروف مش سامحة اني اعلق عند حد الا اني مقدرتش امسك نفسي عن التعليق على البوست ده و على التعليقات اللي عليه.
و رغم ان طريقة العرض و طريقة التعليقات استفزتني الا اني ساحاول ان اكون موضوعيا قدر الامكان .. فليتسع لي صدرك
مش عارف ايه الغريب جدا في الحديث .. لو كنت اول مرة تسمعه فدي مش مشكلتنا لان الحديث شايع جدا .. و لو قصدك بغرابته انه مش حديث اصلا او انه من تأليف الحاجة اللي لقيتها على المنبر - على حد تعبيرك - فالحديث موجود عند الامام احمد, و الترمذي, و ابن ابي الدنيا, و ابن حبان, و ابو داود, و الحاكم بروايات تختلف الفاظها منها مثلا انه قال لما سألوه و من هي: ما انا عليه و اصحابي و روي انه قال هي الجماعة .. اما كون الروايات دي ترقى من حيث الصحة الى درجة انه يحتج بيها, فالله اعلم لسه مسألتش حد من اهل الذكر, لكن عموما مش دي نقطتنا .. نقطتنا اني مش عارف انت وصفته بالغرابة على اي اساس .. لو عشان مسمعتوش فالحديث شايع جدا و حتى لو مش شايع فكونك كسمعتوش لا يكفي لوصفه بانه غريب .. لو عشان الحديث مش صحيح, فيا ريت تقولي جبت منين عدم صحته؟ و تسهل عليا البحث .. لو عشان مجاش على مزاجك, فده موضوع تاني خالص
حضرتك بتقول ان الخطيب قال: اهل السنة و الكتاب و الجماعة - اولا انا اشك انه قال الكتاب, غالبا و الله اعلم قال اهل السنة و الجماعة و ده سبب الخلط اللي حصل .. حضرتك فهمت اهل السنة على ان قصده جمعية انصار السنة مع ان ده مش قصد الراجل خالص
المقصود هنا بأهل السنة اهل الحديث زي ما بيتسموا - اهل السنة يعني مش الشيعة, يعني مش الخوارج, يعني مش الجهمية و لا المعتزلة و لا و لا الخ
السنة يعني زي ما بنقول - عندنا سنة و شيعة, هو باه يقصد السنة لكن مش قصده خالص جمعية انصار السنة .. حضرتك خلطت, و واضح ان في نفسك شيء من ناحية انصار السنة فما صدقت تلاقي مبرر للهجوم عليهم
حضرتك بتقول ان انصار السنة دخلوا الازهر و بعدين قلت في تعليق ليك انها حاجة تقرف .. ايوة ليه باه حاجة تقرف؟ ايه مشكلة انصار السنة؟ كل اللي حضرتك قلته كلام عايم, ده لو كنت قلت حاجة اصلا - كل اللي قلته حاجة تقرف و الوسطية .. نفهم ايه احنا باه من وسطية دي؟ ما يمكن يكون ليك تصور ليها غير اللي في دماغ اي حد منا .. اللي اعرفه يا افاضل ان اللي عاوز ينتقد في موضوع زي ده يكون بيتكلم على علم و اساس .. مش مجرد تريقة سخيفة و همز و لمز في حسين يعقوب بدون مبرر .. اللي اعرفه انك تقول انصار السنة او حسين يعقوب بيعملوا كذا و ده مخالف لوسطية الاسلام عشان ربنا قال كذا او الرسول قال كذا و هم كده بيخالفوه .. مش مجرد ادعاء بلا دليل و كلام عام عن وسطية الاسلام
الاخت ساسو: و الله اتصدمت بجد لما قريت كلامك, رغم انك عارفة انا بحترمك اد ايه
حضرتك قلتي "بغض النظر عن سند الحديث علشان معرفتش اوصل ليه -ومدورتش بضمير اوي يعني-قصر الجنة علي فئة بعينها مش بيفكرك باعلانات التعيين بتاعة وزارة" يعني ايه بغض النظر عن سند الحديث .. يعني افند الحديث و انقضه لغاية ما يتبينلي ان كان صحيح او لا؟ ده بالظبط اللي عملتيه .. غضيتي النظر عن حاجة مينفعش نغض النظر عنها .. و بدأتي تتكلمي ان قصر الجنة على فئة معينة زي اعلانات الوزارة .. طب افرضي ان الحديث صحيح, يبقى ايه الوضع دلوقتي؟ اولا الحديث مقلش ان الفرق التانية خالدة في النار, ذكر انها في النار, لكن مفيش ما يفيد الخلود فيها .. دي مجرد ملحوظة - ثانيا: طب ما احنا المسلمين و مش عارف ربنا يستر و متختلفوش معايا في دي كمان - احنا المسلمين بنقول ان اللي وصلته دعوة الاسلام و مأسلمش مش هيدخل الجنة .. مهو ده قصر على فئة معينة برده, ايه الغريب يعني - و يا ريت متقولوليش اني بوزع الجنة على مزاجي انا كمان عشان ايات القران واضحة
و بالنسبة لخطبة الشيخ يعقوب بتاع انت مبتصليش ليييييييييييييه زي ما انتي كاتباها, بصيلها من زاوية تانية - اولا اعرف ناس كتير جدا عجبهم الاسلوب ده - و مظنش انك هتلومي ع الراجل في حاجة تانية غير الاسلوب - الناس اللي عجبها الاسلوب جاب معاها نتيجة, و ده امر واقع حصل - انا عن نفسي محبتش الطريقة بس لما بصيتلها من ناحية تانية لقيت ان الداعية في زمنا اللي اتملا فساد ده باه عامل زي الصوت الصارخ في البرية - بييجي عليه وقت و يفيض بيه ان الناس منفضاله و محدش بيسمع و لا بيعمل - ثم افرضي ان الاسلوب غلط, لما نلاقي واحد مشهود له بالعلم بلاش نمسكله على حاجة واحدة و نصيحله - هو يعني الائمة الاربعة ملهمش اخطاء؟ بس تروح فين في بحور اعمالهم؟
اخونا اللي بيطلع من الجامع يسب 100 ملة و دين .. متبقاش تبص لعواميد النور كتير جوا الجامع, ابقى ركز في الصلاة او الخطبة .. و الله مستعجب من كلامه - منين طالع من الجامع و منين بتسب 100 دين؟ امال كنت جوا بتعمل ايه
على فكرة الاخوان مخدوش اصوات في الانتخابات عشان عصبية الناس ليهم .. لا, ده تصويت مضاد .. يعني الناس ادت صوتها للي ضد الحكومة و خلاص عشان هم مش طايقينها
طولت عليكم شويتين .. معلش اصلكم حرقتوا دمي .. فقلت لازم افرغ باه
دمتم بخير حال
بعد إذنك يا هيثم بارد علي جزء يخصني فقط
ferekico
أولا انت عارف باحترمك وباحب كتابتك ازاي فمن غير مقدمة هاكتب
عن سند الحديث..فانا دورت عليه بالنص المكتوب.. وللأسف موجدتوش..دلوقتي بابحث عن السند في ضوء تعليقك وعموما انا متعادلة تماما لو وجدت سند تراجعت عن التاويل .نقطة تانية ان اللي وصلني وافتكر وصل لكل القراء ان القصر كان علي جماعة أنصار السنه كجماعة وليس السنيين ..هتلقي في تعليقي"ماحنا أهل للسنة بس مش لازم اسلم لجماعة معينة لأُمنح صك الغفران" ده يوضحلك قصدي ويتفق مع اللي انت كتبتةاهل السنة يعني مش الشيعة,"اللي هما احنا كده احنا متفقين ..انا اللي واصلني من المكتوب -والعهده عليه-ان السنة كجماعة وفكر القصر ولي الحقائق هوا اللي حركني للرد.. عن يعقوب اللينك بيوصلك لخطبة بتتحدث عن سطحيات غريبة عن اتساع بيوت المسلمين تشبها بالغرب..والمجال لن يتسع لذكر المتشابهات في تعليق
بالنسبة ل"و مظنش انك هتلومي ع الراجل في حاجة تانية غير الاسلوب"بالطبع لن الوم الا علي الأسلوب والحجج ايضا
الصوت الصارخ في البرية ؟الدعوة عمرها ماجت بالصريخ ولا تنفع تبقي بالشكليات واعتبار بيوت المسلمين علي الطراز الغربي تفرنج..اللي شد الناس لاكثر الدعاة شعبية محمد متولي الشعراوي كان تبسيط الفكر والهدوء واللي ابقي فكر الغزالي حيا هو التركيز علي صلب وليس شكل التدين-مرة اخري لا يتسع المجال للسرد فاكتفيت باكثر الامثلة وضوحا -نيجي لاخطر النقاط قاطبة
كده حاجة تخوف اكتر.. اختيار رمز ديني في الانتخابات لمجرد المعاندة..للدرجة دي احنا غير ناضجين ، طيب لو كان ده السبب الاوحد ليه كم العصبية في اي نقاش يتناول الاخوان -راجع نقاشات عده في مدونة سوسه هي ما تحضرني الآن- المسألة -بالنسبة لي -مسألة عصم من النقاش عن الاخوان وده اللي كتبتة في اننا عصبيين.. لو كان التصويت مضاد يبقي فكر الاخوان كمان مالوش شعبية سياسية؟ في الحالة دي يبقي العصبية الواضحة والدفاع المستميت عن اخطاء الاخوان لمجرد الحجر علي فكر النقاش من غير اتفاق فكري حقيقي؟ والانتخاب من غير اتفاق منهجي؟
ferekico
يا أهلا بالأستاذ فريكيكو .. أو الأستاذه مش عارف
فى البدايه كده الحاجه اللى بتحركنى فى المواضيع اللى زى دى هى عقلى و انا رأى إن الحديث ده لغويا و فكريا لا يليق بسيدنا محمد و ياريت تراجع البوست و تشوف أنا قلت إيه
لاول مره أعرف إن فيه مسيحيين و يهود هيخشوه الجنه بعد الإسلام لأن الصياغه فى الحديث كانت صيغة مستقبل و إن كان هذا الحديث صحيح فهذا ينافى دور سيدنا محمد من الأساس ثم إن الخطيب قال بالنص كده " المعروفه اليوم بإسم جماعة أهل السنه و الجماعه " أما حضرتك أو حضرتِك مش عارف الوسطيه اللى فى الإسلام هى النظره العقليه فى الإسلام بما لا ينافى الثوابت و بشكل آخر هى أى وجهة نظر تناولت الإسلام بعيدا عن الوهابيه التى حولت الإسلام من دين إلى عِرق و من حريه إلى زى و من الدين إلى بترول و إن كنت منتمى لجماعة أنصار السنه فأهلا بيك و ربنا يصبرنا على بعض أما بالنسبه للنقطه اللى إتكلمت فيها ساسو فطبعا الفوز الكاسح للأخوان المسلمين فى الإنتخابات البرلمانيه هو ليس إنتصارا للدين الحكايه بكل بساطه إن الأخوان معاهم فلوس و قادرين يحشدوا الناس و أعتقد إنها لعبه قديمه لأن الدين أيا كان ورقه كسبانه شعبيا و كمان دى مش أول مره الأخوان تلعب فيها مع الحكومه و أول ما بدؤا الأخوان يفردوا بدأوا يتاخدوا على قفاهم
أخيرا إنت مش من حقك إنك تكفر لا الشيعه و لا الخوارج و لا أى حد ياريت تكون فهمتنى و ياريت ماتشوفش قناة الناس كتير
Post a Comment
<< Home