فرقة صبا
هيا دى فرقة صبا و هما دول الرجاله اللى وقفوا معايا و اتبنوا الفكره و الشكل الموسيقى اللى كنت فاكر إنى لوحدى بس اللى بتمناه
أعرفكوا بقى بالفرقه
نبدأ بالجماعه اللى واقفين دول
من يمينك و انت قاعد قدام الجهاز
أيمن محمود -دف
إسلام محسن-طبله
شريف سعد-ليد جيتار
خالد يوسف-كيبورد و توزيع موسيقى
بعد كده الجماعه اللى قاعدين
و برضه من يمينك و انت قاعد قدام الجهاز
أحمد إمام-ناى و بيز جيتار
اللى بعده ده حد شبهى ..تقريبا أنا
عمرو حمدى-درامز
كنت حابب أعرفكوا بالناس دى علشان تدعوا لنا و اللى حابب يجى يعمل معانا شغل أهلا و سهلا(واخد بالك يا على يا ألفى)
فرقة صبا بدأتها أنا و الشاعر على عبد العزيز من إبريل 2003 و كنت أنا بغنى على العود بس و عم على بيقول شعره و كان معانا لفتره ولاء عزت بتقول شعر و بتحكى حكى شعبى و قمنا بشوية حفلات بداية من المدن و المراكز اللى فى الدقهليه و ما يجاورها إلى القاهره : معرض الكتاب ، ليالى المحروسه فى رمضان ، مركز الدراسات الإشتراكيه ، نقابة الصحفيين ، نقابة المحاميين إلى أن وصلنا للشكل النهائى اللى إحنا عليه دلوقتى و اللى أتمنى إنه يفضل أطول فتره ممكنه و نقدر نتجاوز أى أزمات
*****
*****
على فكره فيه بوست جديد تانى تحت ده إبقوا إقروه
posted by هيثم محفوظ at 9:53 AM
23 Comments:
حبيبي هيثم
انا اول تعليق اهوه علشان مش تقول فينك
فرقه جميله اتمني لكم التوفيق والي الامام دائما يا فنان
وفين محمد ابو الفتوح
مش مصوره معاكوا ليه
go ahead ,, wish you all the best ,,, shaklokoh 7elow awee we nefskoh te3meloh shy2 ,,,, ta7yatee
وانا جاهز يا هيثوم يا جميل
بس انت قول لي هابدا بروفات معاكم امتى؟؟؟؟؟؟؟؟؟؟؟؟؟؟؟
هيثم هيثم
ازيك
طبعا انت عارف ان شفت الفرقة واحد
واحد بس ان كدا زوت المعرفة يالاسامى
وبجد ربنا يوفقكو
:)
كده اعرف بالصدفة موضوع صباح الخير يا مصر دة؟ ماشي يا هيثم
المهم طبعا راينا في الفريق وفي الحفلة اللي فاتت انت عارفة هاقولك بس سلملي علي خالد يوسف كان عاجبني حاجات كتير عملها
كان في توزيع سريع حبة محبتوش بس الباقي كان فعلا حلو
هتبدأ مع علي الألفي بروفات بجد؟
هايل..علي لما سمعتة من مدونة باسم ما شاء الله علية هايل كده الفريق هيبقي اجمل بكتير
ربنا معاكم يارب
الف مبروك يا ملك الاصوات
الف مبروك يا ملك الاصوات
الف الف مبروك يا فنان
والله ليك وحشة ... مش هتيجي معرض الكتاب ولا ايه ؟
نفسي اشوفك والله يا فنان انت ومحمد واحشني جدا جدا جدا
ادعيلي بقي اخلص الامتحانات علي خير
انا زعلان منك ومعندكش وقت تدافع عن نفسك تليفون ما بتتصلش كومنتس ما بتبعتش اية يا عم على العموم حسمحك بس اتصل وابعت من محمد رأفت اخو ادم
.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.
واحشنى يا هيثم...انهى اغنية اللى قصدكو عليها
انا عارفة انى دايما متاخرة بس ماعلش ما تزعليش بقى و رنا يوفقك انت و فرقتك و تفضلوا مع بعض على طول يا رب
محمد مفيد
يا باشا ربنا يخليك ليه و إدعيلنا نزلل كل العقبات اللى ممكن تقابلنا
meho
إنت كاتب بالانجليزى ليه .. مش مشكله المهم إن إحنا نلاقى لنفسنا سكه ف وسط الفرق الكتير الموجوده دلوقتى و شكرا على كلامك يا جميل
على الألفى
هابلغك والله يا علوه بس أهم حاجه شد حيلك إنت يوم تلاتين
moorgen & saso
إنتوا بالذات لازم أرد عليكوا مع بعض
بجد محتاج لتشجيعكوا قوى و بالنوسبه لصفاء الغنوه اللى إنتى بتقولى عليها فأنا عرفت من أبو القفول :) إنها الرمان و عايز أقولك إن اللى سمعتيه فى الحفله شغل تلات بروفات بس فمابالك لو كان الوقت براح و قدرنا نعمل بروفات أكتر
تصدقوا أنا لسه مادخلتش عند على الألفى و سمعت شغله أنا واد وحش أنا عارف
كان نفسى تكون مورو معاكوا و ارد عليها بس لاقينها راده تحت فاهرد عليها لوحدها بقى
أشوفكوا قريب خالص
أنا محمد أبو الفتوح
أنا خلصت إمتحانات و رجعت أدون هاااااااااااااااااااااااااااا
عيل شقى
إنت فعلا شقى غصب عنى يا عسول مانت عارف بقى لما الواحد يعمل كيان جديد و يبقى معاه ناس غيره فى نفس الحكايه دى
لازم يلملمهم و يحاول يقنعهم بشوية حاجات و يتصاحب عليهم أكتر
هو ده يامعلم اللى كان شاغلنى شويه
عايز أشوفك مع أخوك قريب ياض
آدم المصرى
يا باشا طبعا أنا و ابو الفتوح هانجيلك قريب فى معرض الكتاب و هاحاول كمان أقول لصفاء و شيرين و مروه عشان يبقى يوم لذيذ و شد حيلك يا باشا
loca
أهم حاجه إنك كاتبه بالعربى
أخبارك إيه يا بنتى شكرا ع الكلام الجميل اللى قلتيه و اشوفك قريب إن شاء الله
hiii
ازيكم يا شباب احب اعرفكم بنفسى .
انا عمرو درامر فريق صبا وده اول كلام ليه فى اى مدونه او بلوجر وعارف انى مقصر لاكن سامحونى مليش خلق للكتابه بالعربى
احب اقولكم ان اللى مشافش حفلة صبا وعايز يشوفها هانت كلها ان شاء الله اسبوعين او ثلاثة لحد لمادومين السايت يتاكتف وان شاء الله لما يجهز اكيد هيثم هيقولكم.و كل اخبارنا وحفلاتنا اللى فاتت واللى جايه باذن الله هتبقى على السايت,وانا متشكر على اهتمامكم وتشجيعكم ويارب دايما شبابنا لبعض
وقبل ما اختم عايز اشكر على الالفى واقوله تنورنا وتزيدنا نور اكتر باعمالك الجايه معانا ان شاء الله وانا هيثم كلمنى عنك و هو على فكره بيعزك قوى وحببنى فيك وخلانى مشتاق اشوفك واسمعك,وسوءالى ليك يا على اناهسالك على شخص من بورسعيد فنان جميل لو تعرفه ابقى رد عليا وهو احمد العربانى
وفى النهاية سلام.
ممكن اعرف ايه سر اختيارك اسم "صبا" للفرقة
على فكرة انا اسمي صبا ؟
اسمك جميل يا صبا بس يا ترى هو صبا بكسر الصاد ولا صبا بفتح الصاد لو كان صبا بفتح الصاد معناه فى قاموس الموسيقى هو ان صبا مقام من المقامات العربية ويتميز عن غيره من المقامات بانه مقام حزين . وهيشرحلك اكتر هيثم محفوظ او خالد يوسف
drummer saba band
انا اسمي صبا بكسر الصاد وانا حقيقي عندي فضول اني اشاهد عرض لفرقتكم لانه واضح انكم مش فرقة عادية انما فرقة مثقفة موسيقيا
اهلا بيكى فى اى وقت يا صبا واكيد هنزيد شرف لتشريفك لينا فى اى حفلة ان شاء الله قريبا بس خليكى متبعانا على البلوج
drummer saba band
ربنا يخليك يا عمووووووور
طبعا العرباني و احد من الناس الجميلة و عازف كمان موهوب جدا
و سافرنا سوا حفلات كتير
الف مبروك على الفرقة وفى تقدم على طول
ان شاء الله
هيثم
واحشنى بجد
وصلت بينا لدرجه اننا ما نسيب لبعض رسايل على النت
يالا معلش بلوج لذيذ
سلم على الاستاذ على كتير
وابعت الشغل لو فيه لينكات لاى اغنيه ليك
وائل ياسين
نسيت اقولك انا حاطط ليك لنكه عندى ف البلوج
مساء الخيييييييير
لوحدى
إيه المفاجأت دى يا بنى.. ينفع كده يا وائل بقينا بنسيب رسايل لبعض ع النت :)
و الله نفسى اشوفك .. بتيجى على بالى دايما و نفسى أكلمك بس إنت لا ليك مواعيد لا ف النوم و لا ف الشغل
أكيد هاشوفك قريب و سامحنى ع الغيبه
وحشتووونااااااااااااا
Post a Comment
<< Home