Tuesday, March 20, 2007

الملحن أحمد إسماعيل

إتعرفت على الملحن أحمد إسماعيل على المستويين الإنسانى و الفنى عن طريق صديقى العزيز الشاعر على عبد العزيز و كان لإستماعى لغنائه و موسيقاه أكبر الأثر فى فكرتى عن التلحين و حتى فى عزف العود فقد كان إستماعى له بمثابة نقطة تحوُّل.
قد ارتبط أحمد إسماعيل منذ بداية مشواره _ فى النصف الثانى من ثمانينات القرن العشرين _ باتجاه سياسى و إديولوجى معين
الناصريه و ما تحمله من أفكار من أهمها فكرة القوميه العربيه و التى تغنَّى بها كثيرا و لن أدخل فى كلام عن صحة إرتباط الفن بأى إديولجيه و هل لها آثارا سلبيه أو إيجابيه (بس عايز رأيكم )
و لكن كل ما أعرفه أن أحمد إسماعيل من هؤلاء اللذين قد إستوعبوا و بشكل جيد جدا كما كبيرا من التراث الموسيقى المصرى فقد تأثر بموسيقى القناه سوءا كانت ذات طابع مقاوم أى التى إرتبطت بأغنيات 56 و 67 إلى الموشحات التى تغنى بها مطربوا القناه و كانت لهم آثارا واضحه فى آدائها
أحمد إسماعيل من اللذين وجدوا فى كلمات الشاعر فؤاد حداد أصدق التعبير عن أفكارهم و أحلامهم و حتى عن موسيقاهم و فى رأى أن أحمد إسماعيل من أهم من لحن لفؤاد حداد فقد لحن له ( إيدك لسه ف إيدى) و التى كتبها حداد متغنيا بفكرة القوميه العربيه ، (قتيل المحبه ) ، ( يا طوبه حمره و طوبه خضره ) ، ( إزرع كل الأرض مقومه )
و التى إستمعنا لها فى فيلم العاصفه بصوت محمد نجاتى
و قد لحن لأحمد فؤاد نجم (حلوا المراكب
و هو أول من تغنى بكلمات جمال بخيت لدرجة أن الأخير نفسه قد ذكر لى فى إحدى جلساتنا أن أحمد إسماعيل له الفضل بأن يتعرف عليه الوسط الثقافى و السياسى بشكل واسع
و قد تغنى أحمد له بأغنيات ( إضرب مع طلقة خالد ، واحد إتنين سرجى مرجى ، إرجع بقى
و لحن أحمد إسماعيل أغنيتان فى آخر ألبومات عايده الأيوبى ؛ رفيق عمرى من كلمات الشاعر محمد عبد الستار و هما ( خايفه ، و رفيق عمرى
مع الأسف الشديد لم أجد أغانى و لا حتى صور لأحمد على النت و لكن من يريد أن يرى أحمد و يستمع إلى صوته و ألحانه فليشاهد فيلم خيانه مشروعه و ينظر جيدا و يستمع بتركيز للمطرب الذى يغنى فى المقهى الذى ذهب له هانى سلامه و مى عز و ابراهيم عيسى فقد تغنى فى هذا الفيلم بأغنيتان ( قتيل المحبه و قد وزعها له الموسيقار ياسر عبد الرحمن و التى لحنها هو لحن آخر لحنان ماضى فى ألبوم شباك قديم ، يا طوبه حمره يا طوبه خضره
فى النهايه أتمنى التوفيق لأحمد إسماعيل لأن هذا يشعرنى أنا و بشكل شخصى بالأطمئنان على أشياء كثيره

10 Comments:

Blogger hesterua said...

عمى
ازيك وفينك
))

كالعادة اختيارك موفق يا هيثم
الراجل ده عمل حفلة عندنا فى بورسعيد من سنتين وفعلا تجربة جميلة هو

بالنسبة لأدلجة الفن والحوار ده
اعتقد ان لو اتفقنا ان الفن رسالة
فنقدر نقول كل واحد يقدر يعبر بفنه عن رسالته
سواء كانت طابع سياسى او انسانى او دينى
والمتلقى يختار يا معلم

20/3/07  
Blogger عين ضيقة said...

كويس ان لسه فيه ناس بتقدر ناس قوى كده

ربنايديم معرفتكم على خير

تخياتى

23/3/07  
Blogger يا مصر اكتب إليكي رسائلي said...

بمناسبة ذكرى المولد النبوي الشريف ،
يسعدني انت انتهز الفرصة لأتقدم بخالص التهاني
وأطيب التمنيات القلبية
لكم والأسرة والأصدقاء ، وكل عام وانتم بخير

30/3/07  
Blogger ادم المصري said...

ايه الناس دي عمال تصاحب مؤلفين وشعرا

وانا مش لاقي
غير علي علولة واشرف فوخة

ياعم والنبي .. تعالي بقي
واحشني

30/3/07  
Blogger هيثم محفوظ said...

هستيرييييييييييييييييا يا باشا مبسوط جدا انك زرتنى بعد فترة غيبة طويلة كويس قوى انى لقيت حد بالصدفة يعرف احوال اسماعيل وجميل قوى رايك فى موضوع ادلجة الفن
اشوفك قريب يا جميل .
عين ضيقة المسالة مش مسالة تقدير الموضوع كله يا حبوب انك بتلاقى ناس .
بتقدم فنها بصدق عالى قوى فبتعجب بيهم.
فما بالك لو الفن اللى بيقدموا ده قريب ليك.
يا مصر وانت طيب يا جميل .
ادم اشوفك قريب يا واد وحاول تدعبس على شغل احمد اسماعيل يا سلام بقى لو عرفت تجيب الاغنيتين اللى لحنهم لعايده الايوبى فى شريطها الاخير.
يا جماعة هتلاقوا مدونة جديدة ليا مفيش فيها غير سمع
ان شاء الله هيبقى اسمها STOUDO SABA.

31/3/07  
Anonymous Anonymous said...

السلام عليكم أنا بقالي فترة أدور عموقع فيه أغاني للأستاز أحمد مشى لاقي لأني مقيم بالسعودية ومش لاقي أي شئ ليه بالسوق أرجو من اللي عنده موقع يراسلني ويبعتلي هو مع الشكر أخوكم حسام علان
hussam_allan@yahoo

8/1/08  
Blogger passant said...

ممكن اغنيه مافيش فى الاغاني بصوت احمد اسماعيل اللي غناها فى فيلم خيانة مشروعة بس ياريت مش فيديو

3/2/10  
Blogger Unknown said...

.
.
.
.
.
.
.
.
.

16/3/16  
Blogger Unknown said...

.
.
.
.
.
.
.
.
.

16/3/16  
Blogger Unknown said...

.
.
.
.
.
.
.
.
.

16/3/16  

Post a Comment

<< Home