المسحراتى .. فؤاد حداد
مسحراتى منقراتى
ليله ف حياتى
و مع السلامه
بسمع ف ودنى
حس يعاودنى
و بنتى و ابنى
مع السلامه
أنا اللى حارت
برجلى حارة
مع السلامه
مطرح ما ادوّر
ألاقى منور
عمال يشّور
مع السلامه
خالصين يا قافيه
شفتَك بعافيه
مع السلامه
من تانى أرجع
أغنى و اسجَع
تلايمنى تسمع
مع السلامه
المشى طاب لى
و الدق على طبلى
ناس كانوا قبلى
قالوا ف الأمثال
الرجل تدب
مطرح ما تحب
و انا صنعتى مسحراتى
ف البلد جوال
حبيت و دبيت
كما العاشق
ليالى طوال
و كل شبر و حته من بلدى
حته من كَبَدى
حته من موال
رمضان مخلَف هلال و هلال مخلّف عيد
خلّف بنيه و صبى
خلّف أمل و سعيد
و انا طبلتى تغنى غنوه
و تحكى حدوته
بالسمن ملتوته
و نرجع تانى نقول و نعيد
رمضان مخلّف هلال و هلال مخلّف عيد
***************
***************
كل سنه و انتوا طيبين
posted by هيثم محفوظ at 11:55 AM
15 Comments:
كل سنه وانت طيب
:)
رمضان كريم
وكل سنه وانت طيب عيد سعيد
واقول يا هادي
العقل زينة الله هادينا
ع الندهة جينا
علي ريح حجازي
الله يجازي
سقنا الهجينة
الله يجازي
اللي يهاجينا
في حد غيرة يعرف يقول كده
وانت طيب يا هيثم
اولا كل سنه وانت طيب يا جميل
وبعدين ايه الحلاوه دي جاي تسحر بعد رمضان
ايوه اكيد بعد ما فضيت من الحفلات وخليت كمان صفاء اهي تسحر طيب نشوفلكم اي حته لسه فيها رمضان تشتغلوا فيها
جامد يا هيثم
يا هيثم يا استاذ هيثم يا هيثم بيه
كل سنة وانت طيب وانا لما باجي اقول هنا كل سنة وانت طيب والله والله والله للود ـ هو انا طبعا اتشرف جدا جدا جدا انك تشرفني في المدونة ، بس أقسم بربي ما باجي عندك عشان كدا ، انا باجي هنا لأنك انت هيثم محفوظ .. وأنا بقول كلامي دا عشان احلك من المديونية اللي انت حاسس بيها والله . انت موجود والقلب بيودك ويعزك. ما تسيبني براحتي . الله
حلو الخناقة دي يعني ؟؟
ما تقول حاجه يا ابو الفتووووووح الله يخليك.
طبعا اكون قليل الادب لو قولت شيء
تحياتي ليك ولعمنا الكبير فؤاد حداد
3ml 2hhh kol sna we 2nta tyb we 2na 3erfa 2ny met5era awii bas 3egbany awy mesha2rty dah babeo....
كل سنة و انت طيب و صوتك بيشجى قلوب الناس
اهو انت فعلا
؟
اختيار رائع وكل سنة وانت طيب
هو انت فعلا
ازيك يا باشا
انت تجربتك جميلة جدا
مالكش دعوة بحد ولا بالنفاق ولاببتوع وسط البلد والناس دى
الناس دى بتهدم اى حاجة بتتولد فى اى حد...انت ما شاء الله شغلك عجب ناس كتير سمعوه...امشى فى طريقك وهتلاقى ناس كويسين هيقفوا معاك انشاء الله
تحياتى
احمد
كل سنة وانت طيب يا هيثم
:)
علشان العيد بقي شيل ال
Word Verification
مش كل كومينت هاكتبة تلات مرات
شيري
و أنت طيب يا باشا و ربنا يبارك فى صداقتنا الجميله دى
saso
يا شيخه الله يجازيكى إنتى بجد يا صفاء معجب قوى باختيارك للكلام و بطريقتك فى ترتيب دماغك بجد متشرف بمعرفتك
محمد مفيد
يا سيدى إحنا ورانا إيه و بعدين هو فيه أجمل من فؤاد حداد لما يبقى مسحراتى تخيل دى آخر حلقه من المسحراتى شوف كده كلمة مع السلامه بقت جميله قد إيه مع فؤاد حداد
يا مصر .....
يا باشا ربنا يخليك و على فكره نفسى أسمع صوتك هتلاقى نمرة تليفونى فى البوست اللى قبل اللى فات بجد حاول تكلمنى
(البلوج خطوه مش كل الخطاوى)
آدم المصرى
إنت قليل الأدب :)
loca
بالعربى يا بنتى :( بالعربى
أخبارك إيه؟
nolovenolife
يا باشا شكرا أهو الواحد عنده كلمتين و شوية إحساس بشوية حاجات فبيقول و خلاص يلا كل عام و أنتم بخير
hesterua
يابو حميد ربنا يخليك بجد ممكن يبقى رأيك مظبوط فى وسط البلد بس على فكره أنا بستفيد من كل الناس :) أنا معاك إنهم بيدعموا حاجات ملهاش لازمه بس الموسيقى ملهاش دعوه و انا هيفضل أنا هيثم محفوظ
saso
طيب
كل عام أنت بخير بعد 5 أيام من نهاية الشهر الكريم..
وكما أن أشعار حداد في المسحراتي مضيئة ، فإن هناك من يستغلونها أبشع استغلال..
مسحراتي شارعنا الجديد ، أحب أسميه البلطجي بالمناسبة ، خد له كام بيت حافظهم من مسحراتي فؤاد حداد .. يقلق منام الناس ويشتت تركيزها ويخبط على الطبلة بتاعته بصوت ممكن يصحي أموات مش نايمين.. وكل دة بصوته الشجي اللي عامل زي صوت رياض الخولي وهو بيغني!
باختصار .. المسحراتي الجديد كان خير معبر عن رمضان هذا العام بالنسبة لي!
مش عارف اقول اكثر م اللي اتقال
بس انا فرحان اني لاقيتك
يا ريت تزورنا
تفاصيل
كل سنة وانت طيب
قلم جاف
إنت عارف بقالى فتره عايز أدخل عندك و كل شويه تحصل حاجه تخلينى مادخلش بصراحه كانت مفاجأه إن إنت زورتنى (ساره طبعا)بالنوسبه يا عم للمسحراتى الجديد ده فكويس أصلا إنه واخد بالله من المسحراتى بتاعت فؤاد حداد و على فكره المسحراتى بتاع فؤاد حداد مهذب جدا زمان كان المسحراتى بدل ما يخبط على الطبله كان يخبط على الطبله = شبابيك الأدوار الأرضيه من البيوت فالأخ اللى عندك ده رحمه قوى و بالنوسبه لصوته مش مشكله فى ناس دلوقتى بتدن صوتها أبشع من على الشريف الله يرحمه
سلام يا جميل
تفاصيل
يا باشا دا أنا و الله فرحان جدا إنى لقيتك علينا إن إحنا نزبط العيال المدونين دول و نخليهم يسمعوا و يحسوا كويس هازورك طبعا
أبو أمل
و انت طيب
Post a Comment
<< Home