Thursday, November 23, 2006

مساحه أخرى للبوح


بداية العلاقه بين الموسيقى الأوركستراليه و الوجدان المصرى
******* ******* *****
كان لإنشاء مبنى دار الأوبر القديم عام 1869 بمناسبة إفتتاح قناة السويس الأثر الكبير على الشعور الموسيقى المصرى و خصوصا فى الطبقه الأرستقراطيه فى هذا الوقت و ذلك عن طريق المواسم الشتويه للدار و التى كانت تحييها الأوكسترات الإيطاليه و الألمانيه . هذا ما شجع بعض أفراد الطبقه المثقفه فى ذلك الوقت على تأليف بعض المقطوعات الموسيقيه البسيطه و التى حاولوا من خلالها التعبير بشكل أو بأخر عن بيئتهم المحليه.
و لكن الأمر لديهم لم يتعد سوى قضاء وقت ممتع مع الأصدقاء فى الصالونات التى تقام لسماع و عزف الموسيقى الكلاسيكيه أما التأليف الموسيقى بمعنى الكلمه و الذى يراعى فيه الهدف ..عمق التجربه .. الرساله المقصوده منه و إلى أى متلقى تُوجه تلك الموسيقى
كانت البدايه الحقيقيه فى بداية العقد الثالث من القرن العشرين عن طريق المؤلف الموسيقى المصرى يوسف جريس 1899/1962 حينما ألف أول قصيد سيمفونى بعنوان مصر و الذى عُزف لأول مره فى الأسكندريه عام 1933 و بهذا يعتبر يوسف جريس أول مؤلف موسيقى يقوم بتأليف أول موسيقى أوركستراليه مصريه . تزامن معه فيما بعد المؤلفان الموسيقيان حسن رشيد و أبو بكر خيرت
كانت التحديات أمام مؤلفى الموسيقى فى هذه الفتره هى كيفية توصيل هذا النوع من الموسيقى للأذن المصرية العادية و أى شكل من أشكال هذا النوع يمكن إستساغته بين الناس فتوجهوا فى ذلك الوقت لإستلهام بعض الجمل الموسيقيه و الأغانى الفولكلوريه و إعادة إعدادها للأوركسترا السمفونى بمعنى إختيار ملودى فولكلورى معين و عزفه بوسطة فصيل معين من الأوركسترا مثلا الألات الخشبيه و يقوم المؤلف فيما بعد بكتابة جمل موسيقيه أخرى لباقى فصائل الأوركسترا مما يعمل على إثراء الحاله الشعوريه للمستمع و هذه هى الفكره الأساسيه التى يقوم عليها التأليف الأوركسترالى
و على الجانب الأخر قام المؤلف الموسيقى حسن رشيد بتوزيع بعض الأغنيات أواخر الثلاثينات/أوائل الأربعينات مثل أوبريت قيس و ليلى لعبد الوهاب و أسمهان ، أغانى و إستعراضات فيلم إنتصار الشباب
و قد ساعدت تلك التجربه على تقريب المسافه بين الأذن المصريه و الكتابه للأوركسترا
مع دخول الخمسينات أصبحت الموسيقى الكلاسيكيه أكثر إلتصاقا بالوجدان المصرى حتى على مستوى المحلنين و المؤلفين الموسيقيين و فى هذا الجيل نجد أسماء كثيره بداية من أحمد حسن الشجاعى و الذى كان رئيسا للإذاعه فى ذلك الوقت و الذى جعل من الإذاعه مجالا خصبا لإبداع المؤلفين الموسيقيين فوجدنا فى هذا الجيل أسماء كثيره مثل
عبد الحليم نويره
حسين جنيد
إبراهيم حجاج
فؤاد الظاهرى
على إسماعيل
كامل الرميلى
جمال عبد الرحيم
عزيز الشوان
عطيه شراره
عادل جرانه
بدأت التحديات تزداد عمقا و كانت من أهمها إخضاع المقامات العربيه ذات التلات أرباع تون للكتابه الوركستراليه ، بدأت تلك التجربه بسيمفونية بحيرة المنزله لعبد الحليم نويره و التى عزفت لأول مره عام 54 و فيما يلى شرح مبسط لتلك الفكره
( أشرنا فيما سبق أن المسافه الصوتيه بين النغمات نصف و هذا ما يسمى بالسلم الكروماتيكى و هذا هندسيا ملائم تماما لكل علوم التأليف الموسيقى و التى تعتمد على وجود أكثر من لحن فى نفس الوقت و لكن المقامات العربيه يوجد بها بعض النغمات المافه الصوتيه بينها تلات أرباع و هذا مع التوزيع يمكن أن يؤدى بسهوله إلى نشاز و المؤلف الموسيقى عندما يؤلف هذا النوع يكون تماما مثل من يمشى على الحبل فعليه تفادى النغمات ذات التلات أرباع و عدم التوزيع الصاخب أثناء عزفها، بالمناسبه هناك بعض المقامات العربيه التى مازال توزيعها شبه مشكله مثل الرست و السيكاه أما من أشهر المقامات التى تم توزيعها هو البياتى و هذا المقام هو مقام بحيرة المنزله حيث كانت من مقام بياتى الحسينى أى بياتى من على حرف ال لا)
كان من التحديات التى واجهت هذا الجيل أيضا تناول جميع أنواع الموسيقى الكلاسيكيه و إخضاعها للزوق العربى فعلى سبيل المثال قالب الكونشيرتو قالب موسيقى كلاسيكى يعتمد على الأوركسترا السيمفونى و تكون هناك أله هى البطل و هى محور العمل و فى الحركه الثانيه عادة من هذا القالب تترك مساحه /كادنس ليبرز فيها العازف كل مهاراته و عادة هذا القالب يُؤلف من أجل عازفين بعينهم ، العبقرى فى هذا الجيل أننا وجدنا كونشيرتوهات لألات القانون و العود و الناى و من أمثلة هذه الأعمال
1- كونشيرتو القانون للمؤلف رفعت جرانه
2- كونشيرتو الناى الأول و الثانى لعطيه شراره
3- فانتازيا للعود لجمال عبد الرحيم
على إسماعيل
البصمه المصريه الحقيقيه فى الموسيقى الكلاسيكيه
الموسيقى الكلاسيكيه عند على إسماعيل ليست مجال لتجريب من وجهت نظرى بل كانت مساحه أخرى للبوح، على إسماعيل اليتيم إبن الملجأ حفظ عن ظهر قلب كل الأغانى الفولكلوريه التى توفرت لديه و هو فى سن صغيره ، حبه لأغانى عبد الوهاب و أم كلثوم ، تجربته الثريه جدا مع فرقة رضا كل هذا جعل وجدانه عجينه خصبه لكل المشاعر الحقيقيه بالإضافه إلى دراسته الموسيقيه العميقه
مع على إسماعيل وجدنا شخصيه موسيقيه تحاول التفرد حتى لو كان هذا يؤدى إلى بعض التشابه بمعنى أن من يسمع موسيقى أو توزيع لعلى إسماعيل سيعرف أنها له قبل أن يقال له
بعد ذلك و فى فترة السبعينات وجدنا الكثير و الكثير من الملحنين الدارسين لعلوم التأليف الموسيقى مثل
جمال سلامه
عمر خيرت
حسن نشأت
عمار الشريعى
هانى مهنى
مجدى الحسينى
فى هذه الفتره بدأنا نجد أوركسترا شعورى خاص بكل مؤلف و ملحن فكل منهم حافظ على شخصيته الموسيقيه تماما لم يتخلى عن أى ملمح شعورى فيها من أجل تجربه موسيقيه و إن حدث هذا فعلى نطاق ضيق
فى فترة الثمانينات و التسعينات ظهرت أسماء كثيره مثل
راجح داوود
شريف محى الدين
سيد رجب
كمال شكرى
ياسر عبد الرحمن
و أخرين
************
فى الختام كنت أود ترك بعض اللينكات لأعمال بعض المؤلفين و لكن لم أجد شيئا من هذا القبيل على الإنتر نت فأرجوكم تابعوا برنامج نغمات مصريه الساعه 11 مساء و لمدة ساعه على إذاعة البرنامج الموسيقى يوميا
حتى لا أنسى قصيد سيمفونى بمعنى سيمفونيه صغيره من حركه أو حركتين

15 Comments:

Blogger ادم المصري said...

نفسي اعرف قريت كل الكلام دا فين


دا علي كدا طلعت الموسيقي مش مجرد

هق ومق وطبلة ورق

او طخ ودش علي راي شعبولا




.. كل يوم اكتشف فيك جديد

شكرا علي المعلومات اللي بلاش

24/11/06  
Blogger هيثم محفوظ said...

آدم
المشكله يا آدم مش ف الطبله و الرق
المشكله ف الهىء و المىء :)
حاول بعد ما تخلص المد تيرم تتابع برنامج نغمات مصريه ده عشان تحس بالكلام أكتر
أشوفك قريب يا حبيبى

27/11/06  
Blogger karakib said...

المدونه متخصصه بشكل حلو اوي في المزيكا ...
الموسيقي غذاء الروح فعلا ... جميله بصراحه و المعلومات قيمه جدا
هاني جورج
انتوك

28/11/06  
Blogger meho said...

begad el blog beta3eek 7low ya fandem ,, we el agmel el e7sas elley wesally be madah ertbateek bel music ,, we 7obek leeh ta7eyatee,, we i hope en el concert beta3eek fel sa2yah yebah nage7 we yekaser el donyah,,,,ta7eyatee

4/12/06  
Blogger محمد ياسر said...

حلو اوى البوست ده يا هيثم

بس مجيبتش سيرة فتحى سلامة واللى عمله ولا متعرفوش

5/12/06  
Blogger tafaseel said...

تسلم يا هيثوم يا واعي يا فاهم جدا
انا مستني حفلتك بفارغ الصبر

6/12/06  
Blogger طبيب نفسي said...

تعديل بسيط
رفعت جرانه وليس عادل جرانه.
شكرا علي الموضوع القيم.

9/12/06  
Blogger هيثم محفوظ said...

كراكيب
متشكرين على الاطراء يا باشا
ياريت أشوفك فى الساقيه يوم تلاته و عشرين
meho
مرسى يا جميل ع الكلام الجميل و يا رب تيجى الساقيه و يا رب تكتبى العربى بحروف عربى :)
محمد ياسر
و الله يا جميل عارف اللى عمله بس بجد هو إتنسى ف وسط الكلام و بعدين قفلتى من جمال إتسحبت غصب عنى على فتحى و بصراحه مش عارف إزاى الاتنين دول إخوات
تفاصيل
على باشا لو ما جيتش هازعل و تيجى إنت و احمد
خلى بالك من نفسك و من فنك
طبيب نفسى
صح ماعرفش إيه عادل دى :)

16/12/06  
Blogger meho said...

thanks alot for this lovely invitation, wish you all the best of luck we insha2 allah ,, i'll try to attend this concert,,,,best regards

19/12/06  
Blogger saso said...

مكنتش هاعرف اجي اقولك هايل وبس
كنت ناوية اجيبلك لينكات لحاجات انت كتبت عنها بس الكومبيوتر الله يسامحة بقي
anyway
جبتلك حاجتين صغيرين دة برنامج اذاعي عن
أبو بكر خيرتوفي اجزاء من المتتالية الشعبية اللي مبحبهاش خالص ومعزوفة ايزيس اللي بحبها جدا وحببتني في رواية الحكيم اكتر

ودي بقيليالي النور
لعطية شرارة
كان نفسي اكملك باقي الحاجات ..المرة اللي جاية بقي

20/12/06  
Blogger يا مصر اكتب إليكي رسائلي said...

يسرني ان اتقدم بخالص التهاني وأطيب التمنيات بمناسبة عيد الأضحى المبارك اعادة الله علينا وعليكم بالخير واليمن والبركات ، وكل عام وانتم والأسرة الكريمة بخير

20/12/06  
Blogger tafaseel said...

654469684036549840324965465416587981351465 مليون مبروك
ع الحفلة
انا اسف جدا لاني ماقدرتش اجي نظرا لظروف منعتني من السفر
بي انت مش شايف انك غايب ع المدونة بقالك كتير؟؟

27/12/06  
Blogger hesterua said...

امال اللينكات فين يا فنان
الخفلة بقه متشوقيييييييين

الف مبرووووووووووك يا قمر

28/12/06  
Blogger أبو أمل said...

مبروك النجاح يا عم
ولو انها جات متأخرة
كل سنة وانت طيب
نفسى اشوفك فى التليفزيون
ع الثقافية
بتجيب بعض سهرات الساقية
تحياتى

6/1/07  
Anonymous Anonymous said...

مساء الخير ياهيثم ممكن لو تكرمت تقول لي اسم الموسيقى اللي كانت بتيجي في رمضان لما كان فيه برنامج قديم جدا عن واحد رسام كاريكاتير يطلع ايده ويرسم بشكل مُسرع وشكرا جزيلا .

ارجوا ارسال الرد على هذا البريد معاك عبدالرحمن من الرياض

wow850@hotmail.com

3/10/07  

Post a Comment

<< Home